Pramāṇa · Search · About · API

Janmapatripaddhati (Manasagara) 12

Janmapatrīpaddhati (Mānasāgara) 12

Language
Sanskrit

12.1

atha yogajātaphalam
viṣkaṃbhajāto manujo rūpavānbhāgyavānbhavet
nānālaṃkārasaṃpūrṇo mahābuddhirviśāradaḥ

12.2

prītiyoge samutpanno yoṣitāṃ vallabho bhavet
tattvajñaśca mahotsāhī svārthe nityakṛtodyamaḥ

12.3

āyuṣmānnāmayoge ca jāto mānī dhanī kaviḥ
dīrghāyuḥsattvasaṃpanno yuddhe cāpyaparājitaḥ

12.4

saubhāgye ca samutpanno rājamaṃtrī sa jāyate
nipuṇaḥsarvakāryeṣu vanitānāṃ ca vallabhaḥ

12.5

śobhane śobhano bālo bahuputrakalatravān
āturaḥsarvakāryeṣu yuddhabhūmau sadotsukaḥ

12.6

atigaṃḍe ca yo jāto mātṛhaṃtā bhavecca saḥ
gaṃḍāṃteṣu ca jātastu kulahaṃtā prakīrtitaḥ

12.7

sukarmma-nāmayoge tu sukarmā jāyate naraḥ
sarvaiḥprītaḥkhaśīlaśca rāgī bhogī guṇādhikaḥ

12.8

dhṛtimān dhṛtiyogī ca kīrtipuṣṭidhanānvitaḥ
bhāgyavānsukhasaṃpanno vidyāvān guṇavān bhavet

12.9

śūle śūlavyathāyukto dhārmikaḥśāstrapāragaḥ
vidyārthakuśalo yajvā jāyate manujaḥsadā

12.10

gaṃḍe gaṃḍavyathāyukto bahukleśo mahāśirāḥ
hrasvakāyo mahāśūro bahubhogī dṛḍhavrataḥ

12.11

vṛddhiyoge surūpaśca bahuputrakalatravān
dhanavānapi bhoktā ca sattvavānapi jāyate

12.12

dhruvayoge ca dīrghāyuḥsarveṣāṃ priyadarśanaḥ
sthirakarmā'tiśaktaśca dhruvabuddhiśca jāyate

12.13

vyāghātayogajātaśca sarvajñaḥ sarvapūjitaḥ
sarvakarmakaro loke vyākhyātaḥ sarvakarmasu

12.14

harṣaṇe jāyate loke mahābhāgyo nṛpapriyaḥ
dhṛṣṭaḥsadā dhanairyukto vidyāśāstraviśāradaḥ

12.15

vajrayoge vajramuṣṭiḥ sarvavidyāstrapāragaḥ
dhanadhānyasamāyuktastattvajño bahuvikramaḥ

12.17

siddhiyoge samutpannaḥsarvasiddhiyuto bhavet
dātā bhoktā sukhī kāṃtaḥ śokī rogī ca mānavaḥ 16
vyatīpātenaro jāto mahākaṣṭena jīvati
jīvetsadbhāgyayogena sa bhaveduttamo naraḥ

12.18

varīyānnāmayoge ca baliṣṭho jāyate naraḥ
śilpaśāstrakathābhijño gītanṛtyādikovidaḥ

12.19

parighe ca naro jātaḥsvakulonnatikārakaḥ
śāstrajñaḥsukavirvāgmī dātā bhoktā priyaṃvadaḥ

12.20

śivayoge naro jāto sarvakalyāṇabhājanaḥ
mahādevasamo loke sadā buddhiyuto bhavet

12.21

siddhiyoge siddhidātā maṃtrasiddhipravartakaḥ
divyanārīsametaśca sarvasaṃpadyuto bhavet

12.22

sādhye mānasikasiddhiryaśo'śeṣasukhāgamaḥ
dīrghasūtraḥprasiddhaśca jāyate sarvasaṃmataḥ

12.23

śubhe śubhānanairyukto dhanavānapi jāyate
vijñānajñānasaṃpanno dātā brāhmaṇapūjakaḥ

12.24

śukle sarvakalāyuktaḥsarvārthajñānavān bhavet
kaviḥpratāpī śūraśca dhanī sarvajanapriyaḥ

12.25

brahmayoge mahāvidvānvedaśāstraparāyaṇaḥ
brahmajñānarato nityaṃ sarvakāryeṣukovidaḥ

12.26

aiṃdre bhūpakule jāto rājā bhavati niścayaḥ
alpāyustu sukhī bhogī guṇavānapi jāyate

12.27

vaidhṛtau jāyate yastu nityotsāhī vibhūṣitaḥ
kurvāṇopi janaiḥprītiṃ prayātyapriyatāṃ naraḥ

Linked texts (3)