Pramāṇa · Search · About · API

Janmapatripaddhati (Manasagara) 120

Janmapatrīpaddhati (Mānasāgara) 120

Language
Sanskrit

120.1

matāṃtareṇa rekhāṇāṃ phalam-kaṣṭaṃ syāccaikarekhāyāṃ dvābhyāmarthakṣayo bhavet
tribhiḥkleśaṃ vijānīyāccaturbhiḥ samatā matā

120.2

paṃcabhiḥkṣemamārogyaṃ ṣaḍbhirarthāgamo bhavet
saptabhiḥparamānaṃdamaṣṭābhiḥsarvakāmadam

120.3

rekhāsthāne tu saṃprāpte yadā pāpaśubhagrahāḥ
śubhāste ca vijānī yādbiṃdusthāne ca duḥkhadāḥ

120.4

śubhā ca kathitā rekhā biṃduśca kathitaḥśubhaḥ
same samaphalaṃ jñeyaṃ gocare yadi nāṃtaram

120.5

yadi saṃsthitarekhāyāṃ phalaṃ puṃsāṃ prajāyate
lakṣmībhogastathā saukhyaṃ sārvabhaumajaneśatā

120.6

yadi saṃsthitavindūnāṃ phalaṃ puṃsāṃ prajāyate
udvego hānī rogaśca mṛtyuścāsya krameṇa ca

120.7

yo graho gocare śreṣṭhasvaṣṭavargeṣu madhyamaḥ
adhamastu daśāyāṃ hi sa graho hyadhamādhamaḥ