Pramāṇa · Search · About · API

Janmapatripaddhati (Manasagara) 123

Janmapatrīpaddhati (Mānasāgara) 123

Language
Sanskrit

123.2

sūryamahādaśāphalamudvignacittaparikheditavittanāśaṃ kleśapravāsagadapīḍamahābhighātam
saṃkṣobhitaḥsvajanabaṃdhuviyogameti saurī daśā bhavati rājakulābhighātaḥ
sūryamadhye sūryāntardaśāphalamsūrye rājakulāllābhaḥ pīḍā syātpittasaṃbhavā
vipattathā bāṃdhavānāṃ vyayameva hi sarvataḥ

123.3

sūryamadhye caṃdrāṃtardaśā phalamśatrusaṃdhyādigamanaṃ vittalābhaṃ sukhāvaham
bhavedaṃtardaśāyāṃ hi sūryasyaiva yadā śaśī

123.3-2

sūryamadhye bhaumāṃtardaśāphalamnṛpāllābhaḥsuvarṇāni maṇiratnapravālakam
prāpyate yānamānaṃ tu sūryasyāṃtardaśāṃ kuje

123.4

sūryamadhye rāhvaṃtardaśāphalamśaṃkā'mānaṃ vyādhikopaṃ vittanāśaṃ janakṣayam
sarvamatrāśubhaṃ vidyātsūryasyāṃtargatastamaḥ

123.5

sūryamadhye gurvatardaśāphalam--gatavyādhiśarīraśca alakṣmyā tyajyate naraḥ
prāpnoti dharmapadavīṃ bhānoraṃtargate gurau

123.6

sūrya daśāmadhye śaniphalamrājyabhaṃgaḥ śaktihāniḥ suhṛddvaṃdhuvivarjitaḥ
jāyate tatra baikalpaṃ sūryasyāṃtargate śanau

123.7

sūryamadhyebudhāṃtardaśāphalamkleśaḥ kaṣṭaṃ ca dāridyaṃ pāmāṃvicarcikādibhiḥ
śaraddhānyasya nikṣiptaṃ sūryasyāṃtargate budhe

123.8

sūrya madhye ketvaṃtardaśāphalamdeśatyāgaṃ baṃdhunāśamarthanāśaṃ dhanakṣayam
ketāvaṃtargate sūrye sarvaṃ caivāśubhaṃ bhavet

123.9

sūrya madhye śukrāṃtardaśāphalamśirorogaḥprabalebhyo jvarātīsāraśūlayoḥ
śarīre kleśamāpnoti sūryasyāṃtargate bhṛgau