Janmapatripaddhati (Manasagara) 126
Janmapatrīpaddhati (Mānasāgara) 126
- Language
- Sanskrit
126.1
athopadśāphalaṃ likhyate-athātaḥ saṃpravakṣyāmi grahasyopadaśāphalam
saumyakrūravibhinnasya pratnācāryādisaṃmatam
126.2
jvaraḥśiro'rtipīḍā ca kalirudvegakārakaḥ
vigrahaśca vivādaśca sūrye svopadaśāṃ gate
126.3
dhananāśo'ṅga rogaṃ kuryātpāmāṃ catuṣpadāt
kṣīraṃ snehaṃ vinā bhuṃkte caṃdraḥsvopadaśāṃ gataḥ
126.4
rājño bhayaṃ vikāraścopadravaṃ ripuvigrahaḥ
kudhānyabhojanaṃ sūrye bhaumasyopadaśāphalam
126.5
vātaśleṣmaṃ śatrubhayaṃ tīkṣṇaṃ kṣīraṃ kubhojanam
rājapīḍā dhane hānī rāhāvupadaśāṃ gate
126.6
hemāṃvarajayairvṛddhiḥśatrunāśo mahatsukham
miṣṭānnabhojanaṃ sūrye śanerupadaśā yadi
126.7
nṛpapūjā dhanaṃ kīrttirvidyābaṃdhusamāgamaḥ
bhojanaṃ madhurānnasya ravau jñopadaśāṃ gate
126.8
dainyaṃ parānnabhojī syādrājapīḍā mahadbhayam
śatrudveṣo bhavetketuḥsūryasyopadaśāṃ gataḥ
126.9
sukhavṛddhisamānāni dhanalābho mahotsavaḥ
strīvilāsāḥ sadā saukhyaṃ raviḥ sitadaśāṃ gataḥ