Pramāṇa · Search · About · API

Janmapatripaddhati (Manasagara) 13

Janmapatrīpaddhati (Mānasāgara) 13

Language
Sanskrit

13.1

atha karaṇānayanam
kṛṣṇapakṣe karaṇānayanam
kṛṣṇapakṣe tithirdvighnā munibhirbhāgamāharet
śeṣāṃkena bavādyaṃ ca tithyādau karaṇaṃ viduḥ

13.1-2

atha śuklapakṣe karaṇānayanam
tithirdvighno dvikonā ca śuklapakṣe sadā budhaiḥ
śeṣāṃke saptabhirbhāgastithyādau karaṇaṃ matam

13.1-3

atha karaṇaphalam
bavākhye karaṇe jāto mānī dharmarataḥsadā
śubhamaṃgalakarmā ca sthirakarmā ca jāyate

13.2

bālavākhye naro jātastīrthadevādhisevakaḥ
vidyārthasaukhyasaṃpanno rājamānyaśca jāyate

13.3

kaulavākhye tu jātasya prītiḥsarvajanaiḥsaha
saṃgatirmitravargaiśca mānavāṃśca prajāyate

13.4

taitile karaṇe jātaḥ saubhāgyadhanasaṃyutaḥ
snehī sarvajanaiḥ sārddhaṃ vicitrāṇi gṛhāṇi ca

13.5

garākhye kṛṣikarmā ca gṛhakāryaparāyaṇaḥ
yadvastu vāṃchitaṃ tacca labhate ca mahodyamaiḥ

13.6

vāṇijye karaṇe jāto vāṇijyenaiva jīvati
vāṃchitaṃ labhate loke deśāṃtaragamāgamaḥ

13.7

aśubhāraṃbhaśīlaśca paradārarataḥsadā
kuśalo viṣakāryeṣu viṣṭyākhyakaraṇena ca

13.8

śakunau karaṇe jātaḥpauṣṭikādikiyākṛtiḥ
auṣadhādiṣu dakṣaśca bhiṣagvṛttiśca jāyate

13.9

karaṇe ca catuṣpāde devadvijarataḥsadā
gokarmā goprabhurloke catuṣpadacikitsakaḥ

13.10

nāge ca karaṇe jāto dhīvaraprītikārakaḥ
kurute dāruṇaṃ karma durbhago lolalocanaḥ

13.11

kiṃstughnakaraṇe jātaḥśubhakarmarato naraḥ
tuṣṭiṃ puṣṭiṃ ca māṃgalyaṃ siddhiṃ ca labhate sadā

Linked texts (3)