Janmapatripaddhati (Manasagara) 133
Janmapatrīpaddhati (Mānasāgara) 133
- Language
- Sanskrit
133.1
atha ketūpadaśāphalam -
dhananāśopaghātaśca videśe duḥkhapūritam
sarvatra viphalaṃ vidyāt ketorupadaśāṃ śikhī
133.2
catuṣpāddhanahāniḥ syānnetrarogaḥ śirovyathā
śleṣmabhīrarthahāniśca ketorupadaśāṃ bhṛguḥ
133.3
mitrasvajanajodvego hyalpamṛtyuḥ parājayaḥ
bhojanaṃ takrahīnañca ketorupadaśāṃ ravau
133.4
annapānādināśaśca vyādhistasya ca vibhramaḥ
miṣṭānnabhojanaprāptiḥketorupadaśāṃ śaśī
133.5
vanheḥśatro raṇe bhītirvātakaṣṭabhayaṃ nṛpāt
kudhānyamatsyamāṃsāni ketorupadaśāṃ kujaḥ
133.6
śatruto hi bhayaṃ strīṇāṃ nīcebhyo'dhikapīḍanam
bubhukṣitaṃ parādhīnaṃ ketorupadaśāṃ tamaḥ
133.7
vivādaṃ dhanahāniśca vastramaṃtrādināśanam
ketorupadaśāṃ jīvo rūkṣadhānyādibhojanam
133.8
vastrānnapānahāniśca sukhamāśramapīḍanam
gomahiṣyādināśaśca ketorupadaśāṃ śaniḥ
133.9
śatrupīḍā mahodvego vidyābaṃdhudhanakṣayaḥ
ketorupadaśāyāṃ hi bhavet saumye na saṃśayaḥ
Linked texts (1)
- Mānasāgarīpaddhati — Mānasiṃha, Sanskrit