Janmapatripaddhati (Manasagara) 135
Janmapatrīpaddhati (Mānasāgara) 135
- Language
- Sanskrit
135.1
atha saṃdhyādaśā phalamtatrādau ravisaṃdhyāphalamsaṃdhyā dineśasya vipākakāle dhanāgamaṃ śauryanarendrasaukhyam
dharmodyamaṃ saukhyamatīva tīkṣṇaṃ bhūpādisaukhyaṃ vibhavādimānam
135.2
pracaṃḍavittaṃ svakulādhikāraṃ suvarṇatāmrāśvarathādikāptiḥ
ārogyatāvidrumaratnalābhaṃ prāpnoti kīrtiṃ ripusaṃkṣayaṃ ca
135.3
tuṅgādisaṃsthaḥphalameva saṃdhyā nīcārisaṃstho 'pya śubhaṃ phalaṃ ca
tadarthanāśaṃ pitṛbaṃdhuhāniṃ hṛdakṣipīḍākarapittarogam
135.1-2
atha candrasaṃdhyāphalam-kṣapekāsaṃdhyāparipākakāle prāpnoti vittaṃ dvijamaṃtrisaukhyam
svavikramācca svaguṇaiḥsuvarṇaṃ sugaṃdhidravyādiṣu kāryalābham
135.2-2
prabodhakalyāṇadhanātmajāptirabhīṣṭasiddhirdhanadharmalābham
satsādhusaṃparkakathānuraktaṃ kulādhimukhyaṃ nṛpapūjitaṃ ca
135.3-2
nīcārisaṃsthe kṛṣakasvarūpo mitrāriharttā duhituḥprasūtiḥ
arthakṣayaṃ gokarujādikaṣṭaṃ krodhodbhavaṃ vidravamṛtyukārī
135.1-3
atha bhaumasaṃdhyāphalamsvapākakāle dharaṇīsutasya saṃdhyā samāpnoti mahāpratāpam
śauryaṃ havistaskarapāpakarmā dordaṃḍatejā raṇasāhasī ca
135.2-3
nṛpeśvaraḥśāstraviṣāgnikarmanetārasūryānukūladharmaiḥ
kāṃtādikārye satatārthalābhaṃ hemāṃganātāmrahiraṇyalābham
135.1-4
atha budhasaṃdhyāphalambudhasya saṃdhyā vidadhāti śaśvaddhanāgamaṃ mitrakalatraputraiḥ
vaṇikprayogādakhilaiśca kāryairmaheṃdrajālaiḥkuhakādibhiśca
135.2-4
dyūtaprayogādvipakarmamaṃtrairdaivajñasiddhāṃta rasāyanādyaiḥ
bhūhemalohaiśca nṛpātmajebhyo lābho dhanānāṃ sukhasaukhyavṛddhiḥ
135.3-3
nīcārisaṃstho'stamitaśca saumyastridhātupīḍāṃ kurute'rthanāśam
kalatrahāniṃ nṛpabaṃdhanāsiṃ parasvaduḥkhaṃ nṛpapīḍitañca
135.1-5
atha gurusaṃdhyāphalam—
guruḥsvasaṃdhyāṃ labhate'tisaukhyaṃ hemāṃbaraṃ ratnagajāśvajātam
dhanaṃ labhetaputrasamuccayaṃ ca svadharmasiddhiṃ dvijadevapūjām
135.2-5
janāgamaṃ ca tridiveśvaratvaṃ veśmapraveśastvapi cārthasiddhiḥ
svajātisanmānamatipraharṣaṃ bhūpālasaukhyaṃ vividhārthalābham
135.3-4
videśaniṣṭhe kṛtagovivarṇairguruḥsvapāke suhṛdarthanāśam
bhūpālabhaṃgaṃ sutakaṣṭarogaṃ karoti pāke bahuduḥkhakārī
135.1-6
atha śukrasandhyāphalam—
daityeṃdrapūjyasya karoti sandhyā mahārthasamprāptimajasrasaukhyam
nṛpeśvaratvaṃ svakulādhikāraṃ prāpnoti vittaṃ maṇimauktikāni
135.2-6
gajāśvayānāsanamānaharṣaiḥprakhyātakarmā krayavikrayāṇām
dhanāgamaṃ bhūkṛṣiṇā mahokṣaiḥkalatravṛddhiṃ sukhasaukhyajātam
135.3-5
śukre gate nimnagṛhe'rigehe yodhairjito bārabaliptiguptiḥ
duṣṭāṃganāsaṃgamasaukhyaharttā dhanakṣayaṃ strīsutadharmanāśam
135.1-7
atha śanisaṃdhyāphalam-yadā tu tīkṣṇāṃśusutasya saṃdhyāṃ dadāti lābhaṃ svakulādhikāram
kharoṣṭragopākṣikadhānyavastrakulitthamāṣādikakodravāptiḥ
135.2-7
vṛṃdeśvaraṃ grāmapadādhipatyaṃ kulonnatiṃ hīnajanapramāṇam
lohāyasīsatrapusanmahiṣyairdhanāgamaṃ martyacatuṣpadebhyaḥ
135.3-6
nīcārisaṃstho'stamitoditasya saurasya pāke kurute ca kaṣṭam
sadbaṃdhubhāryādhanaputranāśaṃ dehe rujā tīvratarānilotthā
135.4
uktānyato dvādaśabhiḥprakārairnaisargikādīni daśāṃtarāṇi
tatrāpi saṃdhyāphalapāka uktaḥsa ciṃtanīyo sadṛśaḥphalena
135.1-8
atha pācaka daśāphalam -
atha ravimadhye ravyādipācaka daśāphalam -
rājamānaṃ sukhaṃ caiva sanmānaṃ śatrunāśanam
labhate saukhyalābhaṃ ca ravimadhye svayaṃ raviḥ
135.2-8
rogādināśaṃ dhanadhānyalābhaṃ śatruqṣayaṃ prītisukhodayaṃ ca
sūryasya caṃdrāṃtarasaṃdhipāke tatrāstabhādvitriśubhaṃ karoti
135.3-7
divākarasyāṃtaragaḥ kujaścellābho'bhayaṃ vikramahematāmram
saṃgrāmadhuryājayavāhanāni pracaṃḍatāṃ bhūpasukhaṃ karoti
135.4-2
dehe ca kaṣṭaṃ jvararogadausthyaṃ karoti śokakṣayaśātruvairam
arthakṣayaṃ rogarujāpravāsaṃ budho vipāke divaseśvarasya
135.5
pāpādirogavyasanādimuktirdharmodayaṃ jñānasukhāgamaṃ ca
sūryyaḥsurejyāṃtarago vipāke karoti lakṣmīṃ dhanavardhanaṃ ca
135.6
dadrūśirogoṃgala rogadoṣānchūlaṃ jvaraṃ vā suhṛdaḥsvahartā
śastrādbhayaṃ mṛtyusadṛkṣaduḥkhaṃ ravryantare daityaguruḥkaroti
135.7
kāryārthanāśaṃ kṣitipālabhaṃgaṃ dehe rujāpittasamudbhavaṃ ca
vidyudbhayaṃ buddhivināśadainyaṃ saṃdhyā tu saurerdivaseśvarasya
Linked texts (1)
- Mānasāgarīpaddhati — Mānasiṃha, Sanskrit