Janmapatripaddhati (Manasagara) 138

Janmapatrīpaddhati (Mānasāgara) 138

atha budhamadhye budhādipācakadaśāphalamsvabodhavṛddhidaṃ caiva śatrūṇāṃ ca kṣayaṃkaram
dravyalābhaṃ dhanaṃ saukhyaṃ svapāke budhage sadā

hemāṃbarāṇāṃ prāptiḥsyād videśagamanaṃ bhavet
budhasyāṃtargate jīve dhanadhānyasukhaṃ bhavet

budhamadhye yadā śukro bhavatyeva sukhāgamaḥ
dhanadhānyasamṛddhaṃ syādbahusaukhyaṃ karoti ca

budhasaṃdhyāntarāle tu saurapāko yadā bhavet
tadā rājā bhavenmānasukhasaṃtānakārakaḥ

vātapittakṛtā pīḍā hānikārī naro bhavet
pākakāle budhasyāpi yadā hyantaratoraviḥ

dehapīḍā hṛdudvegaḥkalahaśca gṛhe bhavet
atyaṃtahānikārī ca budhamadhye tu caṃdramāḥ

agnidāhaṃ jvaraṃ tīvraṃ bhavedraktavikārakam
śatrughātarujaṃ caiva budhamadhye kuje sadā

Linked texts (1)