Janmapatripaddhati (Manasagara) 143
Janmapatrīpaddhati (Mānasāgara) 143
- Language
- Sanskrit
143.1
2592 śeṣa
atha maṃgalādi yoginīmahādaśāphalāni likhyantesaddharme dvijadevagopurajanotkarṣapradātrī nṛṇāṃnānābhogayaśo'rthasantṛpaparā'vebhāṃgajāptipradā
sanmāṃgalyavibhūṣaṇāṃbaracayastrībhogasaṃdāyinījñānānaṃdakarī daśā bhavati sā jñeyā sadā maṃgalā
143.2
syātpuṃsāṃ yadi piṃgalā prasavato hṛdrogaśokapradānānārogakusaṃgadehamanaso vyādhyarditātipradā
tṛṣṇāsṛgjvarapittaśūlamalinastrīputrabhṛtyāprasanmānadhvaṃsakarī dhanavyayakarī satpremahaṃtrī khalā
143.3
dhānyā dhanyatamā dhanāgamasukhavyāpārabhogapradāpuṃsāṃ mānavivṛddhidā ripugaṇapradhvaṃsinī saukhyadā
vidyārājajanaprabodhasuratajñānāṃkurānbarddhinī-sattīrthāmarasiddhasevanaratirlabhyā daśā bhāgyataḥ
143.4
durgāraṇyamahīdharopagaharārāmātapavyākulā-dūrāddūrataraṃ bhramaṃti mṛgavattṛṣṇākulāḥsarvataḥ
bhūpālānvayajā daśāmadhigatā ye vai nṛpā bhrāmarīṃsvaṃ rājyaṃ pravihāya te sphuṭataraṃ kṣmādho luṭhante muhuḥ
143.5
sauhārdaṃ nijavargabhūsurasureśānāṃ suhanmānyatāmāṃgalyaṃ gṛhamaṃḍale'khilamukhavyāpārasaktaṃ manaḥ
rājyaṃ citrakapolapālitilakāsaptāṃganābhiḥsamaṃ
krīdāmodabharo daśā bhavati cetpuṃsāṃ hi bhadrābhidhā
143.6
ulkā cedyadi yoginī gurudaśā mānārthagovāhanavyāpārāṃvarahāriṇī nṛpajanakleśapradā nityaśaḥ
bhṛtyāpatyakalatravairajananī ramyāpahantrī nṛṇāṃ
hṛnnetrodarakarṇadānapadajo rogaḥsvadehe bhṛśam
143.7
siddhā siddhakarī subhogajananī mānārthasaṃdāyinī
vidyārājajanapratāpadhanasaddharmāptasajjñānadā
vyāpārāṃbarabhūṣaṇādikasutodvāhādimāṃgalyadā
satsaṃgānnṛpadattarāyyavibhavo labhyā daśā puṇyataḥ
143.8
rājyabhraṃśāgnidāho gṛhapuranagaragrāmagoṣṭheṣu puṃsāṃ
tṛṣṇārogāṃgadhātukṣayavikṛtiratho putrakāṃtāviyogaḥ
cetsyāna moho'ribhītiḥkṛśatatulatikā saṃkaṭāyā viroṣo
nomṛtyurjanmakālādyamapi hi vinā saṃkaṭaṃ yoginījam
143.9
bhrāmaryyā ca tatholkāyāṃ saṃkaṭāṃtardaśā bhavet
tadā tu yamarājyasya sadanaṃ prāpyate nṛbhiḥ