Janmapatripaddhati (Manasagara) 18
Janmapatrīpaddhati (Mānasāgara) 18
- Language
- Sanskrit
18.1
iti rāśinavamāṃśaka phalam
atha candrakuṇḍalikā vicāra
lagnaṃ deho vargaṣaṭkoḍu़kāni prāṇaścaṃdro dhātavo'nye graheṃdrāḥ
prāṇenaṣṭe dehadhātvaṃganāśo yasmāttasmācaṃdravīryaṃpradhānaḥ
18.2
lagnamātmā manaścaṃdrastadātmā jīvayogavān
lagnāṃśādvādaśāṃśāṃśādvā grahāṇāṃ phalamādiśet
18.3
iṃduḥsarvatra bījāṃbholagnaṃcakusumaprabham
phalena sadṛśoṃ'śaśca bhāvaḥsvādurasaḥsmṛtaḥ
18.1-2
atha candrarāśiphalam
lolanetraḥsadā rogī dharmārthakṛtaniścayaḥ
pṛthujaṃghaḥkṛtaghnaśca niṣpāpo rājapūjitaḥ
18.2-2
kāminīhṛdayānaṃdo dātā bhīto jalādapi
caṃḍakarmā sudṛśvāṃte meṣarāśau bhavennaraḥ
18.3-2
bhogīdātā śucirdakṣo mahāsatvo mahābalaḥ
dhanī bilāsī tejasvī sumitraśca vṛṣe bhavet
18.4
miṣṭavākyo loladṛṣṭirdayālurmaithunapriyaḥ
gāṃdharvavitkaṃṭharogī kīrtibhāgī dhanī guṇī
18.5
gauroṃ dīrghaḥpaṭurvaktā medhāvī ca dṛḍhabrataḥ
samarthoṃ nyāyavādī ca jāyate mithune naraḥ
18.6
kāryakārī dhanī śūro dharmiṣṭho guruvatsalaḥ
śirorogī mahābuddhiḥkṛśāṃgaḥkṛtyavittamaḥ
18.7
pravāsaśīlaḥ krodhāṃdho'balo duḥkhī sumitrakaḥ
anāsakto gṛhe vakraḥkarkarāśau bhavennaraḥ
18.8
kṣamāyuktaḥkriyāsakto madyamāṃsarataḥsadā
deśabhramaṇaśīlaśca śītabhītaḥsumitrakaḥ
18.9
vinayī śīghrakopī ca jananīpitṛvallabhaḥ
vyasanī prakaṭo loke siṃharāśau bhavennaraḥ
18.10
vilāsī sujanāhlādī subhago dharmapūritaḥ
dātā dakṣaḥkavirvṛddho vedamārgaparāyaṇaḥ
18.11
sarvalokapriyo nāṭyagāṃdharvavyasane rataḥ
pravāsaśīlaḥstrīduḥkhī kanyājāto bhavennaraḥ
18.12
asthānaroṣaṇo duḥkhī mṛdubhāṣī kṛpānvitaḥ
calākṣaścalalakṣmīko gṛhamadhye'tivikramaḥ
18.13
vāṇijyadakṣo devānāṃ pūjako mitravatsalaḥ
pravāsī suhṛdāmiṣṭastulājāto bhavennaraḥ
18.14
bālapravāsī krūrātmā śūraḥ piṃgalalocanaḥ
paradārarato mānī niṣṭhuraḥsvajane bhavet
18.15
sāhasaprāptalakṣmīko jananyāmapi duṣṭadhīḥ
dhūrtaścorakalāraṃbhī vṛścike jāyate naraḥ
18.16
śūraḥsatyadhiyā yuktaḥsātviko jananaṃdanaḥ
śilpavijñānasaṃpanno dhanāḍhyo divyabhāryakaḥ
18.17
mānī caritrasaṃpanno lalitākṣarabhāṣakaḥ
tejasvī sthūladehaśca dhanurjātaḥ kulāṃtakaḥ
18.18
kule naṣṭo vaśaḥstrīṇāṃ paṃḍitaḥparivādakaḥ
gītajño lalitāgrāhyaḥ putrāḍhyo mātṛvatsalaḥ
18.19
dhanī tyāgī subhṛtyaśca dayālurvahubāṃdhavaḥ
paraciṃtitasaukhyaśca makare jāyate naraḥ
18.20
dātālasaḥkṛtajñaśca gajavājidhaneśvaraḥ
śubhadṛṣṭiḥsadā saumyo dhanavidyākṛtodyamaḥ
18.21
puṇyāḍhyaḥsnehakīrtiśca dhanabhogī svaśaktitaḥ
śālūrakukṣirnirbhītaḥkuṃbhe jāto bhavennaraḥ
18.22
gaṃbhīraceṣṭitaḥ śūraḥ paṭuvākyo narottamaḥ
kopanaḥ kṛpaṇo jñānī guṇaśreṣṭhaḥ kulapriyaḥ
18.23
nityasevī śīghragāmī gaṃdharvakuśalaḥ śubhaḥ
mīnarāśau samutpanno jāyate baṃdhuvatsalaḥ
Linked texts (2)
- Mānasāgarīpaddhati — Mānasiṃha, Sanskrit
- Jyotirnibandha — Śivarāja, Sanskrit