Janmapatripaddhati (Manasagara) 20: atha bhaumabhāvādhyāyaḥ
Janmapatrīpaddhati (Mānasāgara) 20
- Language
- Sanskrit
atha bhaumabhāvādhyāyaḥ
20.1
caṃdrātprathamago bhaumo janmakāle yadā bhavet
raktākṣī rudhirasrāvī raktavarṇo bhavennaraḥ
20.2
caṃdrādvitīyago bhaumo janmakāle yadā bhavet
dharādhīśo bhavetputraḥ kṛṣikarttā na saṃśayaḥ
20.3
caṃdrāttatīyago bhaumo janmakāle yadā bhavet
caturbhrātṛsamāyuktaḥsuśīlaḥsarvadā sukhī
20.4
caṃdrāccaturthago bhaumo janmakāle yadā bhavet
sukhabhaṃgo daridrī syātpuṃsaḥstrī mriyate dhruvam
20.5
caṃdrātpaṃcamago bhaumo janmakāle yadā bhavet
putrahīno naraḥstrīṇāṃ lagne patati niścitam
20.6
caṃdrācca ṣaṣṭhago bhaumo janmakāle yadā bhavet
adharme śatrutā caiva rogeṇa pīḍitaḥsadā
20.7
caṃdrātsaptamago bhaumo janmakāle yadā bhavet
strī kuśīlā bhavettasya sadā cāpriyavādinī
20.8
caṃdrādaṣṭamago bhaumo janmakāle yadā bhavet
jīvahaṃtā mahāpāpī śīlasatvavivarjitaḥ
20.9
caṃdrātnavamago bhaumo janmakāle yadā bhavet
lakṣmīvāṃśca bhavetputro vṛddhakāle na saṃśayaḥ
20.10
caṃdrāddaśamago bhaumo janmakāle yadā bhavet
tasya dvāreṣu tiṣṭhaṃti gajā vājī na saṃśayaḥ
20.11
caṃdrādekādaśe bhaumo janmakāle yadā bhavet
rājadvāre prasiddhaḥsyādyaśorūpasamanvitaḥ
20.12
caṃdrāddvādaśago bhaumo janmakāle yadā bhavet
mātṛścāsukhakārī ca sadā kaṣṭaṃsya dāyakaḥ
Linked texts (2)
- Mānasāgarīpaddhati — Mānasiṃha, Sanskrit
- Gaurījātaka (Lakṣmaṇa Yati) — Lakṣmaṇa Yati, Sanskrit