Janmapatripaddhati (Manasagara) 21: atha budhabhāvādhyāyaḥ

Janmapatrīpaddhati (Mānasāgara) 21

caṃdrātprathamagaḥ saumyaḥsukharūpaṃ vinā naraḥ
duṣṭabhāṣī matibhraṃśī sthānabhraṣṭo dine dine

caṃdrādvitīyagaḥ saumyo dhana dhānyaiḥ samākulaḥ
gṛhabaṃdhudhanaprāptiḥ śītarogairvinaśyati

caṃdrāt sahajagaḥ saumyaḥ kurute cārthasaṃpadaḥ
rājyalābho bhavettasya mahaṃtāṃ saṃgamo dhruvam

caṃdrāccaturthagaḥ saumyaḥ sarvadā sukhakārakaḥ
mātṛpakṣe mahālābhaḥ sukhaṃ jīvati mānavaḥ

caṃdrātpaṃcamagaḥ saumyo buddhimāṃśca vicakṣaṇaḥ
rūpavāṃśca mahākāmī kuvākyaṃ dhārayennaraḥ

caṃdrātṣaṣṭhagataḥ saumyaḥ kṛpaṇaḥ kātaro bhavet
vivāde ca mahābhīrū romeśo dīrghalocanaḥ

caṃdrātsaptamagaḥ saumyaḥ strīṇāṃ ca vaśago naraḥ
kṛpaṇaśca dhanāḍhyaśca bahvāyuśca bhaviṣyati

caṃdrādaṣṭamage saumye dehe śīto bhaviṣyati
rājamadhye prasiddhaśca śatrūṇāṃ ca bhayaṃkaraḥ

caṃdrānnavamagaḥ saumyaḥ svadharmasya virodhakaḥ
anyadharmarataḥ puṃso virodhī dāruṇo bhavet

caṃdrāddaśamagaḥ saumyo rājayogī naraḥ sadā
karmarāśau yadā caṃdraḥ kuṭuṃbe nāyako bhavet

caṃdrādekādaśe saumyo lābhakārī pade pade
varṣe ekādaśe puṃsaḥpāṇigrāho bhaviṣyati

caṃdrādvādaśagaḥsaumyaḥsarvadā kṛpaṇo bhavet
tatsutasya jayo nāsti parājayaṃ labhedvine

Linked texts (1)