Janmapatripaddhati (Manasagara) 22
Janmapatrīpaddhati (Mānasāgara) 22
- Language
- Sanskrit
22.1
atha caṃdrādgurubhāva phalam
caṃdrātprathamago jīvo jīvayogyo bhavennaraḥ
vyādhinā rahitaḥśūro nirdhano na kadācana
22.2
caṃdrādvitīyago jīvau rājamānyaḥ śatāyuṣī
atyugraśca pratāpī ca dharmiṣṭhaḥpāpavarjitaḥ
22.3
caṃdrāttṛtīyage jīve nārīṇāṃ vallabho bhavet
dhanavṛddhiḥpiturgehe varṣe saptadaśe tathā
22.4
candrāccaturthago jīvaḥ sukhaiścaiva vivarjitaḥ
mātṛpakṣe mahākaṣṭī pareṣāṃ gṛhakarmakṛt
22.5
caṃdrātpaṃcamago jīvo divyadṛṣṭirbhavennaraḥ
tejasvī putradā nārī hyatyugraśca mahādhanī
22.6
caṃdrācca ṣaṣṭhago jīvo hyudāsī gṛhavarjitaḥ
āyurvārddhaṃ bhavetpusāṃ bhikṣābhoktā'vyavasthitaḥ
22.7
caṃdrātsaptamago jīvo bahujīvī vyayaṃ vinā
sthūladehīklīvapāṃḍurgṛhamadhye ca nāyakaḥ
22.8
caṃdrādaṣṭamago jīvo deharogī sadā naraḥ
sutātopi mahākleśī sukhaṃ svapne na dṛśyate
22.9
caṃdrātnavamago jīvo dharmiṣṭho dhanapūritaḥ
sumārge sugataścaiva devagurvośca sevakaḥ
22.10
caṃdrāddaśamago jīvo janmakāle yadā bhavet
putradāraparityāgī tapasvī ca bhavennaraḥ
22.11
caṃdrādekādaśe jīvo janmakāle yadā bhavet
aśvārūḍho bhavetputro rājatulyo bhavennaraḥ
22.12
caṃdrāddvādaśago jīvo janmakāle yadā bhavet
syātkuṭuṃbavirodhī ca sukhaṃ śatrordaśāgrahe
Linked texts (2)
- Mānasāgarīpaddhati — Mānasiṃha, Sanskrit
- Gaurījātaka (Lakṣmaṇa Yati) — Lakṣmaṇa Yati, Sanskrit