Janmapatripaddhati (Manasagara) 23

Janmapatrīpaddhati (Mānasāgara) 23

atha śukrabhāvaphalam
caṃdrāttu prathame śukro janmakāle yadā bhavet
jale mṛtyurbhavettasya sannipāto hi hiṃsayā

caṃdrād dvitīyagaḥ śukro janmakāle yadā bhavet
mahādhanī mahājñānī rājatulyo na saṃśayaḥ

caṃdrātsahajagaḥ śukro janmakāle yadā bhavet
dharmiṣṭho buddhimāṃścaiva mlecchato lābhadāyakaḥ

caṃdrāccaturthagaḥśukro janmakāle yadā bhavet
kaphādhiko mahākṣāmo vārddhakye dhanavarjitaḥ

caṃdrātpaṃcamagaḥśukro janmakāle yadā bhavet
bahukanyā bhaviṣyaṃti dhanāḍhyo yaśavarjitaḥ

caṃdrācca ṣaṣṭhagaḥśukro janmakāle yadā bhavet
durvyayādbhayakārī ca saṃgrāme ca parājitaḥ

caṃdrātsaptamagaḥ śukro janmakāle yadā bhavet
puruṣārthahīno'kuśalaḥ śaṃkitaśca pade pade

caṃdrādaṣṭamaṃgaḥśukro janmakāle yadā bhavet
prasiddho hi mahāyoddhā dātā bhoktā mahādhanī

caṃdrānnavamagaḥśukro janmakāle yadā bhavet
bahubhrātā tathā mitrabhaginībahulo bhavet

caṃdrācca daśame śukro janmakāle yadā bhavet
mātā pitroḥ sukhaprāptirjīvitaṃ tu bṛhadbhavet

caṃdrādekādaśe śukro janmakāle yadā bhavet
bahvāyuśca bhavetpuṃso ripurogavivarjitaḥ

caṃdrāddvādaśagaḥśukro janmakāle yadā bhavet
paradārarato nityaṃ laṃpaṭo jñānahīnakaḥ

Linked texts (2)