Janmapatripaddhati (Manasagara) 24: atha śanibhāvādhyāyaḥ

Janmapatrīpaddhati (Mānasāgara) 24

caṃdrācca prathame saurirjanmakāle yadā bhavet
prāṇanāśo'rthanāśaśca baṃdhunāśastathāpare

caṃdrāddvitīyago maṃdo janmakāle yadā bhavet
mātṛśca kaṣṭakārī ca ajākṣīreṇa jīvati

caṃdrātsahajagaḥśaurirjanmakāle yadā bhavet
bahukanyābhavetpuṃsa utpadya mriyate dhruvam

caṃdrāccaturthago nūnaṃ śanirjanmani saṃbhavet
mahāpauruṣakārī ca śatruhaṃtā na saṃśayaḥ

caṃdrātpaṃcamagaḥsaurirjanmakāle yadā bhavet
strī syācchyāmalavarṇā ca hyathavā priyavādinī

ravijaḥṣaṣṭhagaścaṃdrājjanmakāle yadā bhavet
mahākleśī ca kaṣṭī ca āyurhīno bhavennaraḥ

caṃdrācca saptame sthāne yadā ca ravinaṃdanaḥ
mahādharmī ca dātā ca strīṇāṃ bahukara grahaḥ

ravijo hyaṣṭame sthāne caṃdrato janmasaṃbhavaḥ
pituśca kaṣṭakārī ca bahudāne śubhaṃ bhavet

caṃdrānnavamagaḥ saurirjanmakāle yadā bhavet
yadā mugdhadaśāprāptirdhanahānirbhaviṣyati

caṃdrāddaśamagaḥsaurirjanmakāle yadā bhavet
nṛpa tulyo bhaveddehī kṛpaṇo dhanapūritaḥ

caṃdrādekādaśe saurirjanmalagne bhavedyadi
dehakleśī mahākaṣṭī hyadharmī ca na saṃśayaḥ

dvādaśe bhuvane sauriścaṃdrāccapatito yadi
nirdhanī bhikṣukaścaiva dharmeṇaiva vivarjitaḥ

Linked texts (2)