Janmapatripaddhati (Manasagara) 30: atha dvādaśabhāvanirīkṣaṇavidhiḥ
Janmapatrīpaddhati (Mānasāgara) 30
- Language
- Sanskrit
Contents
- 30.13 — 1 part
atha dvādaśabhāvanirīkṣaṇavidhiḥ
30.3
tanvādayo bhāvabalaṃ vadaṃti tatsvāmisaṃpūrṇabalaiḥsametaḥ
yukte'tha dṛṣṭe śubhadṛgyute ca krameṇa tadbhāvavivṛddhikārī
rūpaṃ tathā varṇavinirṇayaśca cinhāni jātirvayasaḥpramāṇam
sukhāni duḥkhānyapi sāhasaṃ ca lagne vilokyaṃ khalu sarvametat
svarṇādidhātukrayavikrayaśca ratnāni koṣo'pi ca saṃgrahaśca
etatsamastaṃ pariciṃtanīyaṃ dhanābhidhāne bhavane sudhībhiḥ
30.4
sahodarāṇāmatha kiṃkarāṇāṃ parākramāgrāmupajīvināṃ ca
vicāraṇā jātakaśāstravidbhistṛtīyabhāve vinayena kāryā
30.5
suhṛdgṛhagrāmacatuṣpado vā kṣetrādyamālokanakaṃ caturthe
dṛṣṭe śubhānāṃ śubhayogato vā bhavetpravṛddhirniyamena teṣām
30.6
buddhiprabaṃdhātmajamaṃnnavidyāvineyagarbhasthitinītisaṃsthāḥ
sutābhidhāne bhavane narāṇāṃ horāgamajñaiḥ pariciṃtanīyam
30.7
vairivrataṃ krūrakarmābhayānāṃ ciṃtā śaṃkā mātulānāṃ vicāraḥ
horāpārāvārapāraṃprayātairetatsarvaṃ śatrubhāve viciṃtyam
30.8
raṇāṃgaṇaṃ cāpi vaṇikkriyā ca jāyāvicāro gamanapramāṇam
śāstrapravīṇena vicāraṇīyaṃ kalatrabhāve kila sarvametat
30.9
nadyuttārotpathavaiṣamyadurge śastraṃ vāyuḥsaṃkaṭeteti sarvam
raṃdhrasthāne sarvathā kalpanīyaṃ prācīnānāmājñayā jātakajñaiḥ
30.10
dharmakriyāyāṃ hi manaḥpravṛttirbhāgyopapattirvimalaṃ ca śīlam
tīrthaprayāṇaṃ praṇayaḥpurāṇaiḥpuṇyālaye sarvamidaṃ pradiṣṭam
30.11
vyāpāramudrānṛpamānarājyaṃ prayojanaṃ cāpi pitustathaiva
mahatphalāptiḥkhalu sarvametadrājyābhidhāne bhavane vicāryam
30.12
gajāśvahemāṃbarachatrajātamāṃdolikāmaṃgalamaṃgalāni
lābhaḥ kilaiṣāmakhilaṃ vicāryamettatta lābhasya gṛhe grahajñaiḥ
30.13
hānirdānaṃ vyayaścāpi daṃḍo nirbaṃdha eva ca
sarvametadvyayasthāne ciṃtanīyaṃ prayatnataḥ
30.13.p1
iti 12 bhāvanirīkṣaṇavidhiḥ
Linked texts (4)
- Mānasāgarīpaddhati — Mānasiṃha, Sanskrit
- Jātakābharaṇa (Rāmacandra) — Rāmacandra 1722, Sanskrit
- Jātakābharaṇa (Ḍhuṇḍhirāja) — Ḍhuṇḍhirāja 1500, Sanskrit
- Śambhuhorāprakāśa — Puñjarāja 1675, Sanskrit