Pramāṇa · Search · About · API

Janmapatripaddhati (Manasagara) 31

Janmapatrīpaddhati (Mānasāgara) 31

Language
Sanskrit

31.1

atha grahāṇāṃ phalāni
mūrtyādayaḥpadārthā jñāyaṃte yena jaṃtūnām
tadidamadhunā pravakṣye bhāvādhyāyaṃ viśeṣeṇa

31.1-2

tatra prathamaṃ sūryyaphalam
savitari tanusaṃsthe śaiśave vyādhiyukto nayanagadasuduḥkhī nīcasevānuraktaḥ | na bhavati gṛhamedhī daivayukto manuṣyo bhramati
vikalamūrtiḥ putrapautrairvihīnaḥ

31.2

dhanagatadinanāthe putradārairvihīnaḥ kṛśataturatidīno raktanetraḥ
kukeśaḥ | bhavati ca dhanayukto lohatāmreṇa satyaṃ na bhavati gṛhamedhī mānavo duḥkhabhāgī

31.3

sahajabhuvanasaṃsthe bhāskare bhrātṛnāśaḥ priyajanahitakārī
putradārābhiyuktaḥ | bhavati ca dhanayukto dhairyayuktaḥ sahiṣṇurvipula
dhanavihārī nāgarīprītikārī

31.4

vividhajanavihārī baṃdhusaṃstho dineśo bhavati ca mṛduvettā
gītavādyānuraktaḥ | samaraśirasi yuddhe nāsti bhaṃgaḥ kadācitpracuradhanakalatrī pārthivānāṃ priyaśca

31.5

tanayagatādineśe śaiśave duḥkhabhāgī na bhavati dhanabhāgī
yauvane vyādhiyuktaḥ | janayati sutamekaṃ cānyagehaśca śūraścapalamativilāsī krūrakarmā kucetāḥ

31.6

arigṛhagatabhānau yogaśīlo matistho nijajanāhitakārī
jñātivargapramodī | kṛśatanugṛhamedhī cārūmūrtirvilāsī bhavati
caripujetā karmapūjyo dṛḍhāṃgaḥ

31.7

yuvatibhavanasaṃsthe bhāskare strīvilāsī na bhavati sukhabhāgī
caṃcalaḥ pāpaśīlaḥ | udarasamaśarīro nātidīrgho na hrasvo
kapilanayanarūpaḥ piṃgakeśaḥ kumūrtiḥ

31.8

nidhanagatadineśe caṃcalastyāgaśīlaḥ kila budhagaṇasevī sarvadā
rogayuktaḥ | vitathabahulabhāṣī bhāgyahīno biśīlo rativihitakucailo nīcasevī pravāsī

31.9

grahagatadinanāthe satyavādī sukeśī kulajanahitakārī devaviprānuraktaḥ | prathamavayasi rogī yovana sthairyayukto bahutaradhanayukto
dīrghajīvī sumūrtiḥ

31.10

daśamabhavanasaṃsthe tībrabhānau manuṣyo guṇagaṇasukhabhāgī dānaśīlo'bhimānī | mṛdulaghuśuciyukto nṛtyagītānurāgī narapatiratipūjyaḥ śeṣakāle ca rogī

31.11

bahutaradhanabhāgī cāyasaṃsthe dineśe narapatigṛhasevī bhogahīno
guṇajñaḥ | kṛśatanudhanayuktaḥ kāminīcittahārī bhavati capalamūrtirjātivargapramodī

31.12

jaḍamatiratikāmī cānyayoṣidvilāsī vihagagaṇavighātī duṣṭacetāḥ kumūrtiḥ | narapatidhanayukto dvādaśasthe dineśe kathakajanavirodhī jaṃgharogī kṛśāṃgaḥ

Linked texts (4)