Pramāṇa · Search · About · API

Janmapatripaddhati (Manasagara) 32

Janmapatrīpaddhati (Mānasāgara) 32

Language
Sanskrit

32.1

atha candraphalam
tanugatakumudeśe vittapūrṇaḥsukhī syādvahutaradhanabhogī vīryayuktaḥ
sudehī | bhavati ca yadi nīcaścaṃdramāḥ pāpago vā jaḍamatiratidīnaḥ syāttadā vittahīnaḥ

32.2

dhanagatahariṇāṃke tyāgaśīlo matijño nidhiriva dhanapūrṇo caṃcalātmā suduṣṭaḥ | janayati bahusaukhyaṃ kīrtiśālī sahiṣṇurmudakamalaviśālī candratulyasvarūpaḥ

32.3

śaśini sahajasaṃsthe pāpagehe ca nityaṃ na bhavati bahubhāṣī
bhrātṛhartārimūrtiḥ | bhavati ca sukhabhogī saukhyage rātrināthe
sakaladhanavidhānaṃ śāstrakāvyapramodī

32.4

bahutaravasupūrṇau rātrināthe caturthe priyajanahitakārī yoṣitāṃ
prītikārī | satatamapiha sa rogī māṃsamatsyādibhogī gajaturaṃgasametaḥ krīḍate harmyapṛṣṭhe

32.5

tanayagataśaśāṃke vittapūrṇaḥsukhī syādvahutarasutayukto vaśyanārīsametaḥ | yadi bhavati śaśāṃke kṣīṇapāpārigehe yuvati sukhasamūhaṃ putrapautrairvihīnaḥ

32.6

ripugṛhagaśaśāṃke kṣīṇatānāśakārī na bhavati bahubhogī vyādhiduḥkhasya dātā | yadi gṛhamatha tuṃgaḥpūrṇadehaḥśaśāṃko bahutarasukhadātā syāttadā mānavānām

32.7

vimalavapuṣi caṃdre saptamasthe manuṣyo rucirayuvatināthaḥ kāṃcanāḍhyaḥ
sudehī | śaśini kṛśaśarīre pāpage pāpadṛṣṭe na bhavati sukhabhāgī rogipatnīpatiḥ syāt

32.8

nidhanabhavanasaṃsthe śītaraśmau narāṇāṃ nidhanamacirakāle pāpagehe
dadāti | nijabhṛgugurugehī saumyagehī ca pūrṇo janayati bahuduḥkhaṃ śvāsakāsādirogaiḥ

32.9

navamabhavanasaṃsthe śītaraśmau prapūrṇe bahutarasukhabhuktyā kāminīprītikārī | na bhavati dhanabhāgī kṣīṇage nīcage vā vimalapathavirodhī nirguṇo mūḍhacetāḥ

32.10

bahutaradhanabhāgī karmasaṃsthe himāṃśau vividhadhananidhānaṃ
putradārādipūrṇaḥ|| ripukuṭilagṛhasthe kāsarogī kṛśāṃgaḥpitṛyuvatidhanāḍhyaḥ karmahīno manuṣyaḥ

32.11

bahutaradhanabhogī cāyasaṃsthe śaśāṃke pracurasukhasameto
dārabhṛtyādiyuktaḥ || śaśini kṛśaśarīre nīcapāpārigehe na
bhavati sukhabhāgī vyādhito mūḍhacetāḥ

32.12

vyayanilayaniveśe rātrināthe kṛśāṃgaḥsatatahimasarogī krodhano
nirdhanaśca || nijabudhagurugehe dāṃtikastyāgaśāliḥ kṛśatanusukha
bhogī nīcasaṃgī sadaiva

Linked texts (4)