Janmapatripaddhati (Manasagara) 35
Janmapatrīpaddhati (Mānasāgara) 35
- Language
- Sanskrit
35.1
iti budha phalam
atha guru phalam
vividhavastravipūrṇakalevaraḥ kanakaratnadhanaḥ priyadarśanaḥ
nṛpativaṃśajanasya ca vallabho bhavati devagurau tanuge naraḥ
35.2
suragurau dhanamaṃdirasaṃśrite pramudito rucirapramadāpatiḥ
bhavati mānadhano bahumauktikāgatavasurbhavitā prasavānhike
35.4
sahajamaṃdirage ca bṛhaspatau bhavati baṃdhugatārthasamanvitaḥ
kṛpaṇatāmapi gacchati kutsite dhanayuto'pi sadā dhanahānimān
sanmānanānādhanavāhanādyaiḥsaṃjātaharṣaḥpuruṣaḥsadaiva
nṛpānukampāsamupāttasaṃpadaṃ bholibhṛnmaṃtriṇi bhūtalesthe
35.5
suhṛdatā ca suhṛjjanavaṃditaḥ suragurau sutagehagate naraḥ
vipulaśāstramatiḥ sukhabhājanaṃ bhavati sarvajanāpriyadarśanaḥ
35.6
karihayaiśca kṛśāṃgatanurbhavejjayati śatrukulaṃ ripuge gurau
ripugṛhe yadi vakragate gurau ripukulādbhayamātanute vibhuḥ
35.7
yuvatimaṃdirage surayājake nayati bhūpatitulyasukhaṃ janaḥ
amṛtarāśisamānavacāḥ sudhīrbhavati cāruvapuḥ priyadarśanaḥ
35.8
vimalatīrthakaraśca bṛhaspatau nidhanage na manaḥsthiratā yadā
dhanakalatravihīnakṛśaḥ sadā bhavati yogapathe nirataḥ param
35.9
suragurau navame manujottamo bhavati bhūpatitulyadhanī śuciḥ
kṛpaṇabuddhirataḥkṛpaṇaḥsukhī bahudhanapramadājanavallabhaḥ
35.10
daśamamaṃdirage ca bṛhaspatau turagaratnavibhūṣitamaṃdiraḥ
bhavati nītiguṇairbudhasaṃmataḥparadharāṃganavarjitadhārmikaḥ
35.11
vrajati bhūmipateḥsamatāṃ dhanairnijakulasya vikārakaraḥ sadā
sakaladharmarato'rthasamanvito bhavati cāyagate surayājake
35.12
śiśudaśābhavane hṛdi rogavānucitadānaparāṅmukha eva ca
kuladhanena sadā kuladāṃbhiko bhavati pāpagṛhe ca bṛhaspatau
Linked texts (4)
- Mānasāgarīpaddhati — Mānasiṃha, Sanskrit
- Camatkāracintāmaṇi (Nārāyaṇa) — Nārāyaṇa, Sanskrit
- Jātakābharaṇa (Ḍhuṇḍhirāja) — Ḍhuṇḍhirāja 1500, Sanskrit
- Jātakābharaṇa (Rāmacandra) — Rāmacandra 1722, Sanskrit