Janmapatripaddhati (Manasagara) 36

Janmapatrīpaddhati (Mānasāgara) 36

Language: Sanskrit

36.1

atha śukrabhāvaphalam
januṣi vai tanuge bhṛgunaṃdane bhavati kāryyarataḥparapaṃḍitaḥ
vimalaśālyagṛhī rudane rato bhavati kautukahā vidhiveśṭitaḥ

36.2

paradhanena dhanī dhanage bhṛgau bhavati yoṣita vittaparo naraḥ
rajatasīsadhanī guṇaśaiśavaḥkṛśatanuḥsuvacā bahubālakaḥ

36.3

sahajamaṃdiravartini bhārgave pracuramohayuto bhaginīsute
bhavati locanarogasamanvito dhanayutaḥpriyavākca sadaṃbaraḥ

36.4

bhavati baṃdhugate bhṛguje naro bahukalatrasutena samāvṛtaḥ
suramate sukhamadhyavare gṛhe vasanapānavilāsasamāvṛtaḥ

tanayamaṃdirage bhṛgunaṃdane bahusuto duhiturvarapūjitaḥ
bahudhano guṇavān varanāyako bhavati cāpi vilāsavatīpriyaḥ
bhavati vai kuśalodbhavapaṃḍito ripugṛhe bhṛguje'stagate naraḥ
jayati vairibalaṃ nijatuṃgage bhṛgusute sukhade kila ṣaṣṭhage

36.7

yuvatimaṃdirage vasate naro bahusutena dhanena samanvitaḥ
vimalavaṃśabhavapramadāpatirbhavati cāruvapurmuditaḥsukhī

36.8

nidhanasadmagate bhṛguje jano vimaladharmarato nṛpasevakaḥ
bhavati māṃsapriyaḥ pṛthulocano nidhanameti caturthavayasyapi

36.9

vimalatīrthaparo'kṣatanuḥ sukhī suravaradvijavarṇarataḥśuciḥ
nijabhujārjitabhāgyamahotsavo bhavati dharmagate bhṛguje naraḥ

36.10

daśamamaṃdirage bhṛguvaṃśaje badhirabaṃdhuyutaḥ sa ca bhogavān
vanagato'pi ca rājyaphalaṃ labhetasamarasundaraveṣasamanvitaḥ

36.11

labhanabhāvagate bhṛgunaṃdane varaguṇāvahito'pyanalavrataḥ
madanatulyavapuḥsukhabhājanaṃ bhavati hāsyaratiḥpriyadarśanaḥ

36.12

nijamitevyayavarttini bhārgave bhavati rogayutaḥprathamaṃ naraḥ
tadanu daṃbhaparāyaṇacetanaḥkṛśabalo malinaḥsahitaḥsadāḥ

Linked texts (4)

Mṛtyuñjayakalpa — Śaunaka, Sanskrit
Mṛtyuñjayakalpa — Sanskrit
Mānasāgarīpaddhati — Mānasiṃha, Sanskrit
Camatkāracintāmaṇi (Nārāyaṇa) — Nārāyaṇa, Sanskrit