Janmapatripaddhati (Manasagara) 38

Janmapatrīpaddhati (Mānasāgara) 38

Language: Sanskrit

38.1

iti śani phalam
atha rāhuphalam
rogī sadā daivaripau tanusthe kule ca dhārī bahujalpaśīlaḥ
raktekṣaṇaḥpāparataḥ kukarmarataḥ sadā sāhaworkkarmadakṣaḥ

38.2

rāhau dhanasthe kṛtacauravṛttiḥ sadāviliptau bahuduḥkhabhāgī
matsyena māṃsena sadā dhanī ca sadā vasennīcagṛhe manuṣyaḥ

38.3

bhrātṛvināśaṃ pradadāti rāhustṛtīyagehe manujasya dehī
saukhyaṃ dhanaṃ putrakalatramitraṃ dadāti tuṃgī gajavājibhṛtyān

rāhau caturthe dhanabaṃdhuhīno grāmaikadeśe vasati prakṛṣṭaḥ
nīcānuraktaḥ piśunaśca pāpī putraikabhāgī kṛśayoṣidāsām 4
rāhuḥsutasthaḥśaśinānugo hi putrasya hartā kupitaḥ sadaiva
gehāṃtare sopi sutaikamātraṃ datte pramāṇaṃ malina kucailaṃ

38.6

ṣaṣṭhe sthitaḥśatruvināśakārī dadāti putraṃ ca dhanāni bhogān
svarbhānuruccairakhilānanarthānnihaṃtyanyayoṣidgamanaṃ karoti

38.7

jāyāstharāhurdhanahānijāyāṃ dadāti nāryoṃ vividhāṃśca bhogān
pāpānuraktāṃ kuṭilāṃ kuśīlāṃ dadāti śeṣairbahubhiryutaśca

38.8

rāhuḥsadā cāṣṭamamaṃdirastho rogānvitaṃ pāparataṃ pragalbham
cauraṃ kṛśaṃ kāpuruṣaṃ dhanāḍhyaṃ māyāmatītaṃ puruṣaṃ karoti

38.9

dharmasthite caṃdraripau manuṣyaścāṃḍālakarmā piśunaḥ kucailaḥ
jñātipramode nirataśca dīnaḥśatroḥ kulādbhītimupaiti nityam

38.10

kāmāturaḥkarmagate carāhauparārthalobhī mukharaśca dīnaḥ
mlāno viraktaḥ sukhavarjitaśca vihāraśīlaścapalo'tiduṣṭaḥ

38.11

āyasthite somaripau manuṣyo dāṃto bhavennīlavapuḥsumūrttiḥ
vācālapayuktaḥparadeśavāsī śāstrārthavettā capalo nilajjaḥ

38.12

vyaye sthite somaripau narāṇāṃ dharmārthahīno bahuduḥkhataptaḥ
kāṃtāvimuktaśca videśavāsī sukhaiśca hīnaḥkunakhī kuveṣaḥ

Linked texts (2)

Mānasāgarīpaddhati — Mānasiṃha, Sanskrit
Camatkāracintāmaṇi (Nārāyaṇa) — Nārāyaṇa, Sanskrit