Pramāṇa · Search · About · API

Janmapatripaddhati (Manasagara) 40

Janmapatrīpaddhati (Mānasāgara) 40

Language
Sanskrit

40.1

atha dvigrahī yoga phalam
strīvaśaḥ kūṭakarmā ca durvinītaḥ kriyādṛḍhaḥ
vikramī laghucetāśca caṃdrasūryasamāgame

40.2

sūryamaṃgalasaṃyoge tejasvī pāpamānasaḥ
mithyāvādī ca mūrkhaśca baṃdhuniṣṭho balī naraḥ

40.3

vidvānāryo rājamānyaḥ sevāśīlaḥ priyaṃvadaḥ
yaśasvī ca sthiradravyo budhasūryasamāgame

40.4

nṛpamānyo dharmaniṣṭho mitravānarthavānapi
upādhyāyo'tivikhyāto yoge jīvākayorbhavet

40.5

śastraprahāro bandhaśca raṃgajño netradurlabhaḥ
strīsaṃgalabdhadravyaśca saktaḥ śukrārkasaṃgame

40.6

vidvānapi kriyāniṣṭho dhātujño vṛddhaceṣṭitaḥ
praṇaṣṭasutadāraśca śanisūryasamāgame

40.7

caṃdramaṃgalasaṃyoge raktapīḍāturo bhavet
mṛccarmadhātuśilpī ca dhanī śūro raṇe bhavet

40.8

strīsaṃsaktaḥ surūpaśca kāvye ca nipuṇonaraḥ
dhanī guṇī hāsyavaktro budhendvo dhārmiko'nvaye

40.9

devadvijārcāsaktaśca baṃdhumānyakaro dhanī
dṛḍhaprītiḥsuśīlaśca jīvacaṃdrasamāgame

40.10

kuśalo vikrayādau ca vṛṣalaḥkalahapriyaḥ
alpavastrādisaṃyuktaḥ śaśibhārgavasaṃgame

40.11

gajāśvapālo duḥśīlo vṛddhastrīramaṇo naraḥ
veśyādhano'lpaputraśca śaniścaṃdrasamāgame

40.12

bhūputrabudhasaṃyoge nirdhano vidhavā patiḥ
strīdurbhagaḥkaṇaprītaiḥ svarṇalohaprakīrṇakaḥ

40.13

medhāvī śilpaśāstrajñaḥśrutajño vāgviāradaḥ
aśvapriyaḥpradhānaśca jīvamaṃgalasaṃgame

40.14

maṃ. bṛ.
guṇapradhāno gaṇako dyūtānṛtarataḥ śaṭhaḥ
paradārarato mānyaḥ śukramaṃgalasaṃgame

40.15

maṃ. śu.
vāgmīṃdrajāladakṣaśca vidharmī kalahapriyaḥ
viṣamadyaprapañcāḍhyo maṃdamaṃgalasaṃgame

40.16

maṃ. śa.
budhasya guruṇā yoge nṛtyavādyavicakṣaṇaḥ
dhairyayuktaḥpaṃḍitaśca sukhī bhavati mānavaḥ

40.17

bu. vṛ.
budhabhārgavayoryoge nayajño bahuśilpavit
dhanī suvākyo vedajño gītajño hāsyalālasaḥ

40.18

bu. śu.
kṣīgo gamanaśīlaśca nirupāyo jagatkaliḥ
śubhavākyaḥkāryadakṣo bhānusūnubudhānvaye

40.19

bu. śa.
gurubhārgavasaṃyoge divyadāro mahādhanī
dharmāstikapramāṇajño vidyājīvī ca jāyate

40.20

vṛ. śu.
vṛttisiddhiśca śūraśca yaśasvī nagarādhipaḥ
śreṇisainābhimukhyaśca gurumaṃdānvaye naraḥ

40.21

vṛ. śu
śukreṇa ca śaneryoge mantaḥpaśupatirnaraḥ
dārudāraṇadakṣaśca kṣārāmlādika śilpavit

Linked texts (3)