Janmapatripaddhati (Manasagara) 42
Janmapatrīpaddhati (Mānasāgara) 42
- Language
- Sanskrit
42.1
caṃdracāṃdrikujārkāṇāṃ yoge lipikaro naraḥ
taskaro mukharo vāgmī māyāvī kuśalo bhavet
42.2
ra. caṃ.maṃ. bu
bhaumabhāskaracaṃdrejyasaṃyoge nipuṇo dhanī
tejasvī gataśokaśca nītijñaśca bhavennaraḥ
42.3
ra. caṃ. maṃ. vṛ.
sūryendubhaumaśukrāṇāṃ yoge vidyārthasaṃgrahī
sukhī putrī kalatrī ca vāgvṛttirmanujo bhavet
42.4
arkakiṃśaśibhaumānāṃ yoge mūrkhaśca nirdhanaḥ
hrasvo viṣamadehaśca bhikṣāvṛttirbhavennaraḥ
42.5
ra. caṃ. maṃ. śaṃ.
somasaumyārkajīvānāṃ yoge śilpakaro dhanī
sauvarṇikāplutākṣaśca rogahīnaśca jāyate
42.6
ra caṃ bu vṛ.
caṃdrārkabudhaśukrāṇāṃ saṃyoge subhago naraḥ
hrasvaśca rājamānyaśca vāgmī ca vikalo bhavet
42.7
arkakacāṃdricaṃdrāṇāṃ yoge bhikṣāśano naraḥ
niyuktaḥpitṛmātṛbhyāṃ vikalākṣaśca nirdhanaḥ
42.8
sūryacandrejyaśukrāṇāṃ saṃbaṃdhe rājapojitaḥ
jalāraṇya mṛgasvāmī naraḥsyānnipuṇaḥsukhī
42.9
ra. caṃ. vṛ.śu
sūryacaṃdrākijīvānāṃ mānyaśca vanitāpriyaḥ
bahuvittasutaḥkṣīṇaḥsamākṣaśca prajāyate
42.10
ra. caṃ. vṛ. śa.
sitārkajaravīṃdūnāṃ yoge cātyaṃtadurbalaḥ
vanitāsadṛśācārī bhīruragresaro naraḥ
42.11
caṃ. ra. śu. śa.
budhārkakujajīvānāṃ yoge sūtrakaro naraḥ
paradārarataḥśūro duḥkhī cakradharo bhavet
42.12
bu. ra. maṃ. bṛ.
raviśukakujeṃdūnāmanvaye pāradārikaḥ
nirlajjo durjanaścauro viṣamāṃgo naro bhave
42.13
ra. caṃ. maṃ.śu
arkākabudhabhaumānāṃ yoge yoddhā kavirjanaḥ
maṃtrī ca bhūpatistīkṣṇo nīcācāropi jāyate
42.14
bhaumārkabudhaśukrāṇāṃ yoge pūjyo dhanī mataḥ
subhago nṛpamānyaśca naro bhavati nītimān
42.15
bhānvarkibhaumajīvānāmaikye ca gaṇanāyakaḥ
sonmādo nṛpamānyaśca siddhārtho jāyate naraḥ
42.16
maṃdamārtaṃḍaśukrāraiḥ saṃyuktairjāyate naraḥ
lokadviṣṭaḥ samākhyāto nīcācāro jaḍākṛtiḥ
42.17
jīvaśukrabudhārkāṇāṃ yoge bahumatirnaraḥ
dhanī sukhī ca siddhārthaḥ suhṛṣṭaśca prajāyate
42.18
arkārkivudhadevejyairekarāśisthitairnaraḥ
bhrātṛmān kalahī mānī klībācārī nirudyamaḥ
42.19
śukrasauribudhārkāṇāṃ yoge mitrayutaḥ śuciḥ
mukharaḥ subhagaḥ prājño jāyate ca sukhī naraḥ
42.20
sūryyasaurisitejyānāṃ saṃbaṃdhe lobhavānsukhī
kaviḥ kārukanāthaśca rājaprīto bhavennaraḥ
42.21
candracāndrikujejyānāṃ yoge śāstravicakṣaṇaḥ
nareṃdraśca mahāmānyo mahābuddhirnaro bhavet
42.22
bhaumeṃdubudhaśukrāṇāmanvaye baṃdhakīpatiḥ
nidrāluḥkalahī nīcau baṃdhudveṣī jano bhavet
42.23
bhaumeṃdubudhasaurāṇāṃ yoge śūrakulodbhavaḥ
putramitrakalatrī ca dvimātṛpitṛko janaḥ
42.24
caṃdrāraguruśukrāṇāṃ yoge sāhasiko bhavet
vikalāṃgo dhanī putrī mānī prājño'pijāyate
42.25
bhaumeṃdumaṃdajīvānāmanvaye badhiro dhanī
sonmādaḥ sthiravākyaśca śūro vijño bhavennaraḥ
42.26
caṃdrāraśukramaṃdānāṃ malinaḥ kulaṭāpatiḥ
sodvegaḥsarpatulyākṣaḥpragalbho jātako bhavet
42.27
jīvaśukrabudheṃdūnāmanvaye subhago dhanī
vimātṛpitṛkaḥprājño gatārijāyate naraḥ
42.28
maṃdejyacandracāṃdrīṇāṃ yoge baṃdhupriyaḥkaviḥ
tejasvī rājamaṃtrī ca yaśodharmayuto naraḥ
42.29
candravicchukrasaurīṇāṃ saṃyoge nṛpapūjitaḥ
netrarogī purādhīśo bahudārayuto dhanī
42.30
candrejyasitasaurīṇāmanvaye pāradārikaḥ
prājño nirdravyabaṃdhūnāṃ sthūlabhāryonarottamaḥ
42.31
budhārabhṛgujīvānāṃ yoge strīkalahapriyaḥ
dhanī suśīlo nīrogo lokapūjyo naro bhavet
42.32
bhaumejyasaumyasaurīṇāṃ yoge śūraśca nirdhanaḥ
satyaśaucavrate vidvāndīno vāgmī naro bhavet
42.33
malloyo'nyapuṣṭiyoddhā ca budhārayamabhārgavaiḥ
khyāto loke dṛḍhāṃgaśca sārameyarucirbhavet
42.34
bhaumejyaśaniśukrāṇāṃ yoge syādvāsanāturaḥ
paradārarato mānī kitavo jāyate naraḥ
42.35
medhāvī śāstranirataḥkāme sakto vidheyasatyaśca
budhajīvaśukrasauraiḥsaha sthitaistīvrasaṃyoge
Linked texts (3)
- Mānasāgarīpaddhati — Mānasiṃha, Sanskrit
- Lagnacandrikā (Yavanācārya) — Yavanācārya, Sanskrit
- Lagnacandrikā (Kāśinātha) — Kāśinātha, Sanskrit