Janmapatripaddhati (Manasagara) 43

Janmapatrīpaddhati (Mānasāgara) 43

atha paṃcagrahīphalam
bahuprapaṃcī duḥkhī ca jāyāvirahatāpitaḥ
sūryādyairjīvaparyaṃtairnaraḥsyātpaṃcabhirgrahaiḥ

gatasatyo baṃdhuhīnaḥparakarmarato naraḥ
klībasya ca sakhā sūryabhaumeṃdubudhabhārgavaiḥ

syādalpāyuśca vikalo duḥkhī sutavivarjitaḥ
arkārkibudhacaṃdrārayoge baṃdhanabhāgapi

jātyaṃdho bahuduḥkhī ca pitṛmātṛvivarjitaḥ
nāgaprīto naro bhaumabhānucaṃdrejyabhārgavaiḥ

paradravyaharo yoddhā paratāpakaraḥ khalaḥ
samartho jāyate maṃdacaṃdrajī vārkabhūsutaiḥ

mānācāradhanairhīnaḥ paradārarato naraḥ
ekasthairjāyate bhānubhaumeṃduśanibhārgavaiḥ

rājamaṃtrī bhūrivitto yaṃtrajño daṃḍanāyakaḥ
khyāto jane yaśasvī ca jīvākeṃdujñabhārgavaiḥ

parānnabhojī sonmādaḥ priyataptaśca vaṃcakaḥ
ugrobhīrurnaraḥsūryaśanicandrejyacaṃdrajaiḥ

dhanaputrasukhairhīno mṛtyotsāhī ca lomaśaḥ
dīrgho bhavati caṃdrārkabudhaśukraśanaiścaraiḥ

iṃdrajālarato vāgmī calacitto'ganāpriyaḥ
prājñaśca dakṣo nirbhītaḥ śukrejyārkendusūryajaiḥ

sphīto bahuhayaḥkāmī naraḥ śokī camūpatiḥ
budhārkakujaśukrejyaiḥ subhago bhūpateḥpriyaḥ

bhikṣābhogī ca rogī ca nityodvigno malīmasaḥ
jīṇoṃ naro bhānubhaumaśanijīvabudhairbhavet

bahubaṃdhanabhogātto vidvām̐llokeṣu pūjito bhavati
śrotravikalaśarīraḥkujaśukrabudhaśaśimaṃdaiḥsyāt

vyādhibhiḥśatrubhirgrastaḥ sthānabhraṣṭo bubhukṣitaḥ
naraḥsyādvikalaḥ śuklamaṃdārkabudhabhūsutaiḥ

vijño vicāradehaśca dhātuyaṃtrarasāyanaiḥ
naraḥprasiddho bhūputraravijīvāsitāsitaiḥ

sādhukalyāṇahīnaśca dhanavidyāsukhānvitaḥ
bahuputro naro jīvabhaumeṃdubudhabhārgavaiḥ

parānnayācako vipro malinastimiramayī
naro bhavati bhaumeṃdujīvaśukraśanaiścaraiḥ

durbhago malino mūrkhaḥpreṣyaḥklībaśca nirdhanaḥ
naro bhavati caṃdrejyaśukrasaurimahīsutaiḥ

bahumitrāripakṣaśca duḥśīlaḥparapīḍakaḥ
mānī naraḥsomajīvaśukramaṃdadharāsutaiḥ

rājamaṃtrī rājatulyo lokapūjyo guṇādhikaḥ
caṃdracaṃdrajamaṃdejyabhṛguputrairnaro bhavet

alasastāmaso nityaṃ sonmādo rājavallabhaḥ
nidrāturo naro bhaumabudhajīvākiṃ bhārgavaiḥ

Linked texts (3)