Janmapatripaddhati (Manasagara) 46: atha tṛtīyo'dhyāyaḥ
Janmapatrīpaddhati (Mānasāgara) 46
- Language
- Sanskrit
atha tṛtīyo'dhyāyaḥ
46.1
praṇipatya paraṃ jyotiḥsarvaṃ ca jagatītitalam
tamaḥ praśamanaṃ vakṣye janmaśāstrapradīpakam
46.2
lagnādhipatirlagne nīrogaṃ dīrghajīvinaṃ kurute
atibalamavanīśaṃ vā bhūlābhasamanvitaṃ jātam
46.3
lagnapatirdhanabhavane dhanavaṃtaṃ vipulajīvinaṃ sthūlam
atibalamavanīśaṃ vā bhūlābhaṃ vā sudharmarataṃ kurute
46.4
sahajagato lagnapatiḥsadbaṃdhupravaramitraparikalitam
dharmarataṃ dātāraṃ śūraṃ sabalaṃ karoti naram
46.5
lagneśe turyagate nṛpapriyaṃ pracurajīvitaṃ kurute
saṃlabdhapitaraṃ pitrorbhaktamabahubhojanaṃ kurute
46.6
paṃcamage lagnapatausu sutaṃ satyāgamī śvaraṃ viditam
bahujīvinaṃ sugītaṃ sukarmanirataṃ janaṃ kurute
46.7
ripubhavane lagneśe nīrogaṃ bhūmilābhaṃ ca
sabalaṃ kṛpaṇaṃ dhaninamarighnaṃ sukarmapakṣānvitam kurute
46.8
prathamapatau saptamage tejasvī śokavānbhavetpuruṣaḥ
tadbhāryāpi suśīlā tejaḥ kalitā surūpā ca
46.9
lagnapatāvaṣṭamage kṛpaṇo dhanasaṃcayī tu dīrghāyuḥ
krūre tu khacare kāṇaḥ saumyaiḥ puruṣo bhavetsaumyaḥ
46.10
mūrtipatiryadi navame tadā bhavati pracurabāṃdhavaḥ sukṛtī
samamitrastu suśīlaḥ sukṛtī khyātaḥ sutejasvī
46.11
prathameśo daśamastho nṛpalābhī paṃḍitaḥ suśīlaśca
gurumātṛpūjanamatirnṛpaprasiddhaḥ pumān bhavati
46.12
ekādaśasthatanupaḥ sujīvitaṃ sutasamanvitaṃ viditam
tejaḥ kalitaṃ kurute puruṣaṃ balinaṃ vāhanasaṃyuktam
46.13
dvādaśage mūrtipatau kaṭukavatkarmaparo'śubho nīcaḥ
mānī sahagotrībhirvideśago dattabhaktanaraḥ
Linked texts (5)
- Mānasāgarīpaddhati — Mānasiṃha, Sanskrit
- Vṛddhayavaneśvara — Sanskrit
- Jātakasāradīpa — Nṛsiṃha, Sanskrit
- Jātakasaṅgraha (Lakṣmaṇadāsa and Navanidhirāma) — Lakṣmaṇadāsa and Navanidhirāma, Sanskrit
- Jātakasaṅgraha (Dāmodaramiśra) — Dāmodaramiśra, Sanskrit