Janmapatripaddhati (Manasagara) 48
Janmapatrīpaddhati (Mānasāgara) 48
- Language
- Sanskrit
48.1
iti dvitīyeśaphalam
atha dvādaśabhavanasthatṛtīyabhavaneśa phalam
sahajapatirlagnagato vāgvādī laṃpaṭaḥ svajanabhedī
sevāparaḥkumitraḥkūṭakaraḥprocyate pūruṣaḥ
48.2
dhanagṛhage sahajeśe bhikṣurnirdhano'lpajīvito manujaḥ
baṃdhuvirodhī krūre saumyaiḥpunarīśvaraḥkhacaraiḥ
48.3
sahajagataḥsahajapatiḥsamasatvaṃ susuhṛdaṃ śubhasvajanam
devagurupūjanarataṃ nṛpalābhaparaṃ naraṃ kurute
48.4
bhrātṛpatau mātṛgate pitṛbaṃdhusahodareṣu sukhabhogī
mātrā saha vairakaraḥpitṛvittasya bhakṣakaḥpuruṣaḥ
48.5
duścikyapatausutage sutabāṃdhavasutasahodaraiḥpālyaḥ
dīrghāyurbhavati naraḥparopakāraikaratamatiśca
48.6
ṣaṣṭhagate sahajapatau baṃdhuvirodhī ca nayanarogī ca
bhūlābho bhavati bhṛśaṃ kadācidapi rogasaṃkalitaḥ
48.7
saptamage sahajeśe narasya bhāryā bhavetsuśīlā ca
saubhāgyavatī yuvatiḥkrūre devaragṛhaṃ yāti
48.8
bhrātṛpatiraṣṭamagaḥ sahajaṃ mṛtasodaraṃ naraṃ kurute
krūre bāhuvyaṃginamapi jīvati yadyaṣṭavarṣāṇi
48.9
dharmagate sahajapatau krūre baṃdhūjjhitastathā saumye
sadbāṃdhavaśca sukṛtī sodarabhakto bhavenmanujaḥ
48.10
duścikyeśe daśamagate nṛpapūjyo mātṛbaṃdhupatṛbhaktaḥ
uttamabodhobandhuṣuviniścito jāyate jātaḥ
48.11
lābhasthaḥsahajeśaḥ subāṃdhavaṃ rājaśālinaṃ kurute
kurute baṃdhuṣu sevāvidhāyinaṃ bhoganirataṃ ca
48.12
vyayage duścikyeśe mitrāvirodho'tibaṃdhusaṃtāpī
dūre vāsitabaṃdhurvideśagāmī naro bhavejjātaḥ
Linked texts (5)
- Mānasāgarīpaddhati — Mānasiṃha, Sanskrit
- Jātakasāradīpa — Nṛsiṃha, Sanskrit
- Jātakasaṅgraha (Lakṣmaṇadāsa and Navanidhirāma) — Lakṣmaṇadāsa and Navanidhirāma, Sanskrit
- Jātakasaṅgraha (Dāmodaramiśra) — Dāmodaramiśra, Sanskrit
- Vṛddhayavaneśvara — Sanskrit