Janmapatripaddhati (Manasagara) 49

Janmapatrīpaddhati (Mānasāgara) 49

Language: Sanskrit

49.1

iti dvādaśabhavanaśatṛtīyeśa phalam
• atha dvādaśabhavanasthacaturthabhavaneśaphalam
turyapatirlagnagataḥ pitṛputrayoḥ snehaṃ mithaḥ kurute
uttame pitṛpakṣe vairīkalitaṃ pitṛnāmnā prasiddhaṃ ca

49.2

pātālape dhanasthe krūrakhage pitṛvirodhakṛcchubhaṃ kurute
pitṛpālakaḥprasiddhaḥpitā bhunaktīha tallakṣmīm

49.3

turyege sahajasthe pitṛmātṛvedakaṃ nara kurute
pitrā saha kalahakaraṃ pitṛbāṃdhavaghātakaṃ kurute

49.4

turyagate turyapatau pitari kṣitipra‌āptabahumānaḥ
viditaḥpitṛlābhakaro bhavati sudharmā sukhī dhanapaḥ

49.5

sutage turyagṛheśe pitṛsaṃlābhavāṃśca dīrghāyuḥ
bhavati kṛtiprasiddhaḥsasutaḥsutapālakaścaiva

49.6

hibukapatau sutasaṃsthe mātrartha vināśakaḥśiśurjātaḥ
pitṛdoṣarataḥ krūre saumye dhanasaṃcayī tanayaḥ

49.7

aṃbupatau saptamage krūre śvaśuraṃ snuṣāna pālayati
saumye pālayati punaḥkulavatīṃ kujakavī kurutaḥ

49.8

chidragatasturyapatiḥkrūraṃ rogānvitaṃdaridraṃ vā
duṣkarmaparaṃ mṛtyu priyamathavāmānavaṃ kurute

49.9

sukṛte turyapatau pitryasaṃgī samastāvidyāvān
pitṛdharmasaṃgrahaparaḥ pitṛnirapekṣo bhavenmanujaḥ

49.10

pātālape'mbaragate pāpe sutamātaraṃ tyajejjanakaḥ
sṛjate tvanyāṃ dayitāṃ saumye punaranyasevākṛtpuruṣaḥ

49.11

ekādaśe turyapatau dharmī pitṛpālakaḥ sukarmā ca
pitṛbhakto bhavati punaḥpracurāyurvyādhirahitaśca

49.12

dvādaśage turyapatau mṛta pitṛko vā videśago vācyaḥ
putrasya pāpakheṭe cānyapiturjanma nirdiśyam

Linked texts (4)

Mānasāgarīpaddhati — Mānasiṃha, Sanskrit
Vṛddhayavaneśvara — Sanskrit
Jātakasāradīpa — Nṛsiṃha, Sanskrit
Jātakasaṅgraha (Lakṣmaṇadāsa and Navanidhirāma) — Lakṣmaṇadāsa and Navanidhirāma, Sanskrit