Janmapatripaddhati (Manasagara) 5
Janmapatrīpaddhati (Mānasāgara) 5
- Language
- Sanskrit
5.1
iti jātake ṣaṣṭi samvatsara phalam
atha yugānayanam
atha ṣaṣṭisaṃvatsareṣu dvādaśayugāni bhavaṃti | yataḥ
yugaṃ bhavedvatsarapaṃcakenayugāni ca dvādaśa varṣaṣaṣṭyām
atha yugaphalam
madyamāṃsapriyo nityaṃ paradārarataḥsadā
kaviḥśilparataḥprājño jāyate prathame yuge
5.2
vāṇijye vyavahārī ca dharmiṣṭhaḥ satyasaṃgataḥ
dravyaṃ lubhyati pāpātmā yuge jāto dvitīyake
5.3
bhoktā dātā kṛtaprajño brāhmaṇo devapūjakaḥ
tejasvī dhanayuktaśca tṛtīye phalamaśnute
5.4
vāṭikākṣetralobhī syādoṣadhīpriyamānavaḥ
dhātuvāde dhananāśo jāyate ca caturyuge
5.5
putrotpattiḥsadāproktādhanavāṃśca jitendriyaḥ
pitṛmātṛpriyaścaiva jāyate paṃcame yuge
5.6
sarvadā śatrūnīcaśca sarvadā mahiṣīpriyaḥ
paṭṭaghāto bhayārttaśca yuge ṣaṣṭhe ca jāyate
5.7
bahumitrapriyaścaiva vyāpāre kuṭilā gatiḥ
śīghragāmī tathā kāmī jāyate saptame yuge
5.8
pāpakartā ca saṃtuṣṭo vyādhiduḥkhānvitastathā
kartā ca parahiṃsāyā jāyate tvaṣṭame yuge
5.9
vāpīkūpataḍāgādidevadīkṣātithipriyaḥ
bhūpatirvṛtrahātulyo jāyate navame yuge
5.10
rājādhirājamaṃtrī ca sthānapraptimahāmukhaḥ
suveṣa rūpadātā ca jāyate daśame yuge
5.11
buddhimāṃśca suśīlaśca sthāpakaścāsurādviṣām
saṃgrāme ca bhavecchūro jāta ekādaśe yuge
5.12
tejasvīca lasannātmā naramamadhye mahājanaḥ
kṛṣivāṇijyakartā ca jāyate dvādaśe yuge
Linked texts (2)
- Mānasāgarīpaddhati — Mānasiṃha, Sanskrit
- Bṛhajjyotiṣasāra — Bhavānī Śaṃkara, Sanskrit