Janmapatripaddhati (Manasagara) 50
Janmapatrīpaddhati (Mānasāgara) 50
- Language
- Sanskrit
50.1
iti caturtheśaphalam
. atha dvādaśabhavanasthapaṃcamabhavaneśaphalam
lagnagate paṃcamape prasiddhastokatanayaparikalitam
śāstravidaṃ vedavidaṃ sukarmanirataṃ tathā kurute
50.2
paṃcamapatirdhanasthaḥ krūre kheṭedhanojjhitaṃkurute
gītāṃdikalākalitaṃ kaṣṭabhujaṃ sthānaka pracuram
50.3
tanayapatiḥ sahajagataḥ sumadhuravākyaṃ baṃdhujaneṣu viditam
kurute sutāstadīyāḥparipālyanti tadvandhūn
50.4
sutapaḥpātālagataḥ pitṛkarmarataṃ prapālitaṃ pitrā
jananībhaktaṃ kurute krūretu virodhinaṃ pitṛbhiḥ
50.5
tanayagatastanayapatirmatimaṃtaṃ māninaṃ janaṃ kurute
sutakalitaṃ prakaṭajanavikhyātaṃ mānavaṃ kurute
50.6
paṃcamapatiśca ṣaṣṭhe śatruyutaṃ mānahīnaṃ ca
rogayutaṃ dhanarahitaṃ krūraḥkhacaraḥ karoti naram
50.7
tanayapatau saptamage svasutāḥ subhagāśca devagurubhaktāḥ
priyavādinī suśīlā narasya nanu jāyate dayitā
50.8
sutape nidhanagṛhasthe kaṭuvāṅniḥstriyo yadā bhavati
caṃḍā śabdā vyaṃgī sahajāstanayā bhavaṃti tathā
50.9
sukṛtagatastanayapatiḥ subodhavidyaṃ kaviṃ sugītijñam
nṛpapūjitaṃ surūpaṃ nāṭakarasikaṃ naraṃ kurute
50.10
sutapatiraṃbaralīno nṛpakarmāṇaṃ nṛpāt kalitabhāvam
satkarmarataṃ pravaraṃ jananīsukhakṛtsutaṃ kurute
50.11
sutanāthe lābhasthe śūraḥ sutavānsatyakṛtāsaṃgī
gītādisukalākalito nṛpabhogī jāyate jātaḥ
50.12
paṃcamape dvādaśage krūre sutarahitaḥ śubhe susutaḥ
sutasaṃtāpaparaḥ syādvideśagāmī bhavenmanujaḥ
Linked texts (4)
- Mānasāgarīpaddhati — Mānasiṃha, Sanskrit
- Vṛddhayavaneśvara — Sanskrit
- Jātakasāradīpa — Nṛsiṃha, Sanskrit
- Jātakasaṅgraha (Lakṣmaṇadāsa and Navanidhirāma) — Lakṣmaṇadāsa and Navanidhirāma, Sanskrit