Janmapatripaddhati (Manasagara) 51
Janmapatrīpaddhati (Mānasāgara) 51
- Language
- Sanskrit
51.1
ṣaṣṭheśo lagnagato nīruksabalaḥ kuṭuṃbakaṣṭakaraḥ
bahupakṣo ripuhaṃtā bhavati naraḥ svairavacanadhanaḥ
51.2
śatrupatau draviṇasthe duṣṭaścaturo hi saṃgrahapareṣṭaḥ
sthānapravaro vidito vyādhitatanuḥ suhṛdvittaghnaḥ
51.3
ṣaṣṭhapatiḥ sahajasthaḥ kurute sa lokakaṣṭakaraḥ
nijaijanamāraṇanipuṇaṃ kaṣṭaṃ saṃgrāmatastasya
51.4
ṣaṣṭhādhipatisturye pitṛtanayau vairiṇau mithaḥkurute
sarukpitā so'tha sutā lakṣmīṃ labhate naraḥsuciram
51.5
ripubhavanapatau sutage pitṛtanayau vairiṇau mṛtiḥsutataḥ
krūre śubhe ca vidhaṃnaḥ padavīduṣṭaśca tatkapaṭī
51.6
ripusadanaiśa ripustho nīrugvairī sukhī kṛpaṇaḥ
nahi jansato'pi sīdati sthānakuvāsī ca bhavati naraḥ
51.7
ahitapatau saptamage krūre bhāryā virodhinī caṇḍī
saṃtāpakarī tvatha saumye vaṃdhyā vā garbhanāśaparā
51.8
śanergrahaṇi kārujo viṣadharāddharānaṃdanād
budhaścaviṣadoṣataḥ sapadi mṛtyureṇāṃkataḥ
ravermṛgapatervadhātprakaṭamaṣṭamātṣaṣṭhapād
gurorapi ca duṣṭadhīrnayanadoṣavācchukrataḥ
51.9
śatrupatiryadi navamaḥkrūraḥkhacarastadā bhavet khaṃjaḥ
baṃdhuvirodhī śāstraṃ na manyate yācakaḥ puruṣaḥ
51.10
aripedaśamagṛhasthe krūre mātṛ ripustadā duṣṭaḥ
dharmasutapālanamatirmāturdoṣībhavedvairī
51.11
vairipatau lābhagate krūre maraṇaṃ vipakṣato bhavati
vairī taskarahāniścatuṣpadāllābhavānmanujaḥ
51.12
ṣaṣṭhapatau dvādaśage catuṣpadāddravyahānikaraḥ
gamanāgamanāllakṣmīhā daivaparaḥ kevalaṃ bhavati
Linked texts (4)
- Mānasāgarīpaddhati — Mānasiṃha, Sanskrit
- Vṛddhayavaneśvara — Sanskrit
- Jātakasaṅgraha (Lakṣmaṇadāsa and Navanidhirāma) — Lakṣmaṇadāsa and Navanidhirāma, Sanskrit
- Jātakasāradīpa — Nṛsiṃha, Sanskrit