Janmapatripaddhati (Manasagara) 54
Janmapatrīpaddhati (Mānasāgara) 54
- Language
- Sanskrit
54.1
atha dvādaśabhāvasthanavameśaphalam
lagnagate navamapatau devāngurunmanyate mahāśūraḥ
kṛpaṇaḥkṣitipatikarmā svalpagrāsī bhavati matimān
54.2
navameśe dhanasaṃsthe vṛṣato viditaḥ suśīlavātsalyaḥ
sukṛtī vadanavyaṃgaścatuṣpadotpannapīḍito manujaḥ
54.3
sahajagate sukṛtapataurūpastrī bandhuvatsalaḥ puruṣaḥ
baṃdhustrīrakṣaṇakṛdyadi jīvati baṃdhubhiḥsadā sahitaḥ
54.4
sukṛteśe hibuṃkasthe pitṛbhaktaḥ pitṛyātrādike viditaḥ
viditaḥsukṛtī puruṣaḥpitṛkarmaratamatirbhavati
54.5
sukṛtagrahape sutasthe sukṛtī devaguru pūjane nirataḥ
vapuṣā sundaramūrtiḥ sukṛtasametāḥsutā bahavaḥ
54.6
śatrupraṇatiparāyaṇadharmaprasitaṃ kalāvikalakāryam
darśananiṃdāniratam sukṛtapatiḥṣaṣṭhagaḥ kurute
54.7
navamapatau saptamage satyavatī suvadanā surūpā ca
śīlaśrīyutadayitā sukṛtayutā jāyate niyatam
54.8
duṣṭo jaṃtuvighātī gṛhabaṃdhuvivarjitaḥsukṛtarahitaḥ
navameśe nidhanagate krūre ṣaṃḍhaḥsa vijñeyaḥ
54.9
sukṛtagataḥ sukṛtapatiḥ svabaṃdhubhiḥprītimatulitasamatvam
dātāraṃ devagurusvajanakalādisaṃsaktam
54.10
nṛpakarmmāṇaṃ śūraṃ mātāpitrośca pūjakaṃ puruṣam
dharmakhyātaṃ kurute sukṛtapatirgaganagṛhaśīlaḥ
54.11
dīrghāyurdharmaparo dhaneśvaraḥ snehalo nṛpatilābhī
sukṛtakhyātī susutaḥsukṛtavibhau lābhabhavanasthe
54.12
dvādaśage sukṛteśe mānī deśāṃtare surūpaśca
vidyāvāñchubhakheḍhe krūre ca bhavedatidhūrtaḥ
Linked texts (4)
- Mānasāgarīpaddhati — Mānasiṃha, Sanskrit
- Jātakasaṅgraha (Lakṣmaṇadāsa and Navanidhirāma) — Lakṣmaṇadāsa and Navanidhirāma, Sanskrit
- Jātakasāradīpa — Nṛsiṃha, Sanskrit
- Vṛddhayavaneśvara — Sanskrit