Janmapatripaddhati (Manasagara) 55
Janmapatrīpaddhati (Mānasāgara) 55
- Language
- Sanskrit
55.1
atha dvādaśabhāvastha daśamabhavaneśaphalam
daśamapatau lagnagate mātari vairī pitṛbhaktaḥ
mṛtyuṃgate ca tāte khalu parapuruṣaratā bhavati mātā
55.2
vittasthe gaganapatau mātrā pālitaḥ suto bhavati lobhī
mātari duṣṭo nitarāṃ svalpagrāsī śrutasukarmā ca
55.3
mātṛsvajanavirodhī sevānirato na karmaṇi samarthaḥ
mātulaparipālitaḥsyāddaśamapatau sahajabhavanasthe
55.4
vyomapatau turyagate sukhe tu nirataḥsadācāraḥ
bhaktaśca pitari mātari nṛpamānī jāyate puruṣaḥ
55.5
śubhakarmako viḍaṃbī nṛpalābhī gītavādyanirataḥ syāt
gaganapatau tanayagate pālayati ca taṃ sutaṃ mātā
55.7
aṃbarape ripusaṃsthe śatrubhayātkātaraḥ kalahaśīlaḥ
kṛpaṇaḥkṛpayā hīno naro na rogī bhavati loke 6
sutavatī śubharūpasamanvitā nijapatipratipālanalālasā
bhavati tasya śubhaṃ kurute sadā priyatamā'mbarape dayitāṃ gate
55.8
puṣkarapatiraṣṭamagaḥkrūraṃ śūraṃ mṛṣānvitaṃ duṣṭam
mātari saṃtāpakaraṃ janayati tanujīvitaṃ kitavam
55.9
śubhaśīlaḥ sabandhuḥ sanmitro daśamape navamalīne
tanmātā'pi suśīlā sukṛtavatī satyavacanaratā
55.10
gaganapatirgaganagato kurute jananīsukhapradaṃ puruṣam
jananīkulavipulasukhaṃ prakathanaghaṭanāpaṭīyāṃsam
55.11
mānorjitā'rthasahito mātā ca rakṣiṇī bhavetsukhinī
dīrghāyurmātṛsukhī puruṣo lābhāsthiteṃ'barape
55.12
mātrojjhito nijavalaḥ śubhakarmā nṛpatikarmaratacetāḥ
vyomapatau vyayasaṃsthe deśāṃtaragataśca pāpakhage
Linked texts (4)
- Mānasāgarīpaddhati — Mānasiṃha, Sanskrit
- Jātakasāradīpa — Nṛsiṃha, Sanskrit
- Vṛddhayavaneśvara — Sanskrit
- Jātakasaṅgraha (Lakṣmaṇadāsa and Navanidhirāma) — Lakṣmaṇadāsa and Navanidhirāma, Sanskrit