Janmapatripaddhati (Manasagara) 56
Janmapatrīpaddhati (Mānasāgara) 56
- Language
- Sanskrit
56.1
atha dvādaśabhavanasthaiau kādaśeśaphalam
alpāyurbalakalitaḥ śūro dātā janapriyaḥ subhagaḥ
lābhapatau lagnagate tṛṣṇā doṣānmṛtiṃ labhate
56.2
vittagate lābhapatāvutpannabhugalpabhojano'lpāyuḥ
aṣṭakapālī rogī krūre saumye ca dhanakalitaḥ
56.3
baṃdhustrīpālanakaḥsubāṃdhavo baṃdhuvatsalaḥsubhagaḥ
lābheśe sahajagate baṃdhūnāṃ ripukulocchettā
56.4
turyasthe lābheśe dīrghāyuḥpitari bhaktibhāgbhavati
samayaikakarmanirataḥ svadharmanirataśca lābhavānmanujaḥ
56.5
lābhapatiḥputragataḥpitṛputrasnehalaṃ mithaḥ kurute
tulyaguṇaṃ ca paraspara malpāyurjāyate puruṣaḥ
56.6
ṣaṣṭhagate lābhapatau sudīrgharogī suvairikalitaśca
taskarahastānmṛtyuḥ krūre deśāṃtaragatasya
56.7
saptamage lābheśe tejasvī śīlasaṃpadaḥpadavān
dīrghāyurbhavatinara stathaikadayitāpatirnityam
56.8
ekādaśepe'ṣṭamage'lpāyurbhavati sa jātakaḥ surogī
jīvanmṛtyuśca duḥkhī bhavati naraḥ saumyagaganacare
56.9
ekādaśeśe sukṛtālayasthe bahuśrutaḥ śāstraviśāradaśca
dharmaprasiddho gurudevabhaktaḥ krūre ca baṃdhuvratavarjitaśca
56.10
mātṛbhaktaḥ sukṛtī pitari dveṣī sudīrghatarajīvī
dhanavāñjananīpālananirato lābhādhike khagate
56.11
lābhādhipo lābhagataḥ karoti dīrghāyuṣaṃ puṣkalaputrapautram
sukarmakaṃ rūpavaraṃ suśīlaṃ janapradhānaṃ vipulaṃ manojñam
56.9-2
vyayanāthe sukṛtagate tīrthā lokāṭanaṃ vṛttiḥ
krūre khage ca pāpairnirarthakaṃ yāti tadddravyam
56.10-2
vyayape gaganagṛhasthe pararamaṇīparāṅmukhaḥpavitrāṃgaḥ
sutadhanasaṃgrahanirato durvacanaparā bhavati tanmātā
56.11-2
dvādaśape lābhasthe draviṇapatirdīrghajīvito bhavati
sthānapravaro dātā vikhyātaḥsatyavacanaparaḥ
56.12
vibhūtimān grāmanivāsacittaḥkārpaṇyabuddhiḥpaśusaṃgrahī ca
cejjīvati grāmayutaḥsadā syādvyayādhināthe vyayagehalīne
Linked texts (4)
- Mānasāgarīpaddhati — Mānasiṃha, Sanskrit
- Vṛddhayavaneśvara — Sanskrit
- Jātakasāradīpa — Nṛsiṃha, Sanskrit
- Jātakasaṅgraha (Lakṣmaṇadāsa and Navanidhirāma) — Lakṣmaṇadāsa and Navanidhirāma, Sanskrit