Janmapatripaddhati (Manasagara) 59
Janmapatrīpaddhati (Mānasāgara) 59
- Language
- Sanskrit
59.1
sthaviro nīcacāro mithyābhāṣī bhavedbhramaṇaśīlaḥ
parakarmaliptacetā nijoccage jāyate śikhini
dhanī sukhī kāryavijñastrikoṇesthe divākare
mūla trikoṇa jñānārthaṃ padyamekam
siṃho vṛṣaḥ prathamaṣaṣṭhahayāṃgataulikumbhāstrikoṇabhavanāni bhavanti sūryāt
viṃśatiraṃśāḥ siṃhe trikoṇamapare svabhavanamarkasya
uccaṃ bhāgatitayaṃ vṛṣa, indoḥ syātrikoṇamapare syuḥ
dvādaśa bhāgā meṣe trikoṇamapare svabhaṃtubhaumasya
uccaphalaṃ kanyāyāṃ budhasya tuṅgaṃ śakaiḥ sadā cintyam
paratastrikoṇajātaṃ paṃcabhiraṃśaiḥsvarāśinaṃ parataḥ
daśabhirbhāgaiścāpe trikoṇamapare svabhaṃ tu devaguroḥ
śukrasyāṃśāstithaya trikoṇamapare svabhaṃ tu lāyāṃ ca
kumbhe trikoṇa nijabhe ravijasya raveryathā siṃhe || [iti sārāvalī ]
caṃdre dhanī caṃ bhoktā ca bhaume śūro'dayaḥkhalaḥ
59.2
budhe trikoṇage vijño vinodī vijayī naraḥ
gurau grāmapurādīnāṃ maṭhasyādhipatiḥsudhīḥ
59.3
śukre trikoṇage sujñaḥsukhayukto mahīpatiḥ
maṃde naro dhanaiḥpūrṇo mahāśūraḥkulaṃdharaḥ
59.1-2
svagṛhasthe ravau loke mahograśca sadodyamī
caṃdre karmarataḥsādhurmanasvī rūpavānapi
59.2-2
svagṛhasthe kuje vāpi capalo dhanavānapi
budhe nānākalābhijñaḥ pīḍito dhanavānapi
59.3-2
dhanī kāvyaśrutijñaśca svaceṣṭaḥsvagṛhe gurau
sphītaḥ kṛṣīvalaḥśuke śanau mānyaḥ sulocanaḥ
59.1-3
atha mitragṛhasthagrahaphalam
sūrye mitragṛhe khyātaḥśāstrajñaḥsusthasauhṛdaḥ
caṃdre naro bhāgyayuktaścaturo dhanavānapi
59.2-3
bhaume śastropajīvī ca budhe rūpadhanānvitaḥ
gurau mitragṛhe pūjyaḥsatāṃ satkarmasaṃyutaḥ
59.3-3
śukre mitragṛhe loke dhanī baṃdhujanapriyaḥ
śanau rujākulo dehaḥkukarmanirato bhavet
59.1-4
atha śatrugṛhasthagrahaphalam
sūrye ripugṛhe nīco viṣayaiḥpīḍito naraḥ
caṃdre hṛdayarogī ca bhaume jāyājaḍo'dhanaḥ
59.2-4
budhe ripugṛhe mūrkho vāgdhanī duḥkhapīḍitaḥ
jīve ca jāyate klībo nāśavṛttirbubhukṣitaḥ
59.3-4
śukre śatrugṛhe bhṛtyaḥkubuddhirduḥkhito naraḥ
śanau vyādhyarthaśokena saṃtapto malino bhavet
59.1-5
atha dvādaśabhavanesthadvādaśalagnaphalāni
meṣodaye raktatanurmanuṣya śleṣmādhikaḥkrodhaparaḥ kṛtaghnaḥ
sumaṃdabuddhiḥ sthiratāsametaḥ parājitaḥ strībhṛtakaiḥsadaiva
59.2-5
vṛṣodaye janma yadā bhavecca svacittarogaṃ svajanāpamānam
iṣṭairviyogaṃ kalahaṃ ca duḥkhaṃ śastrābhighātaṃ ca dhanakṣayaṃ ca
59.3-5
tṛtīyalagne puruṣo'tigauraḥstrīraktacitto nṛpapīḍitaśca
dūtaḥprasannaḥpriyavāgvinītaḥ samṛddhijo gītavicakṣaṇaśca
59.4
karkodaye gauravapurmanuṣyaḥ pittādhikaḥkalpataruḥ pragalbhaḥ
jalāvagāhānurato'tibuddhiḥśuciḥkṣamī dharmaruciḥ susevyaḥ
59.5
siṃhodaye pāṃḍuturmanuṣyaḥpittānilābhyāṃ paripīḍitāṃgaḥ
priyāmiṣo ramyarasaḥsutīkṣṇaḥśūraḥpragalbhaḥsutarāṃ caraṃtam
59.6
kanyākhyalagne kaphapittayukto bhavenmanuṣyaḥśubhakāṃtabhāvanaḥ
śleṣmīpriyastrīvijito nubhīrurmāyādhikaḥkāmakadarthitāṃgaḥ
59.7
tulā vilagne ca bhavenmanuṣyaḥśleṣmānvitaḥsatyaparaḥsadaiva
parāpriyaḥpārthivamānayuktaḥsurārcanetatparakalpa eva
59.8
lagneṣṭake kopadharo jarāvānbhavenmanuṣyo nṛpapūjitāṃgaḥ
guṇānvitaḥśāstrakathā'nurakto pramardakaḥśatrugaṇasya nityam
59.9
dhanodaye rājayuto manuṣyaḥ kārye pravīṇo dvijadevaraktaḥ
turaṃgayuktaḥsuhṛdi prayuktasturaṃgajaṃghaśca bhavetsadaiva
59.10
mṛgodaye toṣarataḥsutīvro bhīruḥsadā pāparataśca mūrttiḥ
śleṣmānilābhyāṃ paripīḍitāṃgaḥsudīrghagātraḥ paravaṃcakaśca
59.11
ghaṭodaye susthiratāsameto vātādhikastoyaniṣevaṇoktaḥ
suhṛtsvagātraḥpramadāsvabhīṣṭaḥ śiṣṭānurakto janavallabhaśca
59.12
mīnodaye toyarato manuṣyo bhavedvinītaḥsuratānukūlaḥ
supaṃḍitaḥsūkṣmatanuḥpracaṃḍaḥpittādhikaḥkīrtisamanvitaśca
Linked texts (7)
- Bṛhatparāśarahorāśāstra (ed. Śrīdhara) — Sanskrit
- Sārāvalī — Kalyāṇavarman, Sanskrit
- Bṛhajjātaka (another edition) — Sanskrit
- Mānasāgarīpaddhati — Mānasiṃha, Sanskrit
- Vṛddhayavaneśvara — Sanskrit
- Horāratna — Balabhadra 1629, Sanskrit
- Ṣaḍvargaphalaprakāśa — Sanskrit