Janmapatripaddhati (Manasagara) 6
Janmapatrīpaddhati (Mānasāgara) 6
- Language
- Sanskrit
6.1
iti dvādaśa yuga phalam
athāyanānayanaprakāraḥ
makarādigate ṣaṭke sūryasyaivottarāyaṇam
karkyādiṣaṭke sūrye dakṣiṇāyanamucyate
6.1-2
punāratnamālāyāṃ ayanānayanam
śiśirapūrvamṛtutrayamuttaraṃ hyayanamāhu rahaśca tadāmaram
bhavatidakṣiṇamanyadṛtutrayaṃ nigaditā rajanī marutāṃ ca sā
6.1-3
athāyana phalam
uttarāyaṇe naro jātaḥsarvaśāstraviśāradaḥ
dharmārthakāmaśīlaśca guṇavāṃśca surūpavān
6.2
yāmyāyane naro jātaḥ kūṭasākṣī sadānṛtaḥ
adharmī cātharogī ca bahuvyādhiḥsadā bhavet
6.1-4
atha golasvarūpam
meṣādiṣaṭke sūryeuttaro gola ucyate
tulādiṣaṭke sūrye yāmyagolaḥsaucyate
6.1-5
atha golaphalam
yo jāto ttaragoleṣu dhanavānvidyānvitaḥ
putrapautrādiyuktaśca rājamānyo naro bhavet
6.2-2
yāmyagoleṣu yo jātaḥ sadā sa sukhavarjitaḥ
kūṭasākṣī durācāro hīnāṃgaśca pinirdhanaḥ
6.1-6
atharatnamālāyāṃṛtorāyanam
mṛgādirāśidvayabhānubhogā ṣaṭkaṃ ṛtūnā śiśiro vasaṃtaḥ
grīṣmaśca varṣāśaradaśca tadvaddhemaṃtanāmā kathito'traṣaṣṭhaḥ
6.1-7
atha ṛtuphalam
rūpayauvanasaṃpanno dīrghasūtrī mahotkaṭaḥ
sādhuyuktaḥkāmukaścaśiśirejāyatenaraḥ
6.2-3
mahodyamī manasvī ca tejasvī bahukāryakṛt
nānādeśarasāmijño vasaṃte jāyate naraḥ
6.3
vahvāraṃbho jitakrodho kṣudhāluḥ kāmukonaraḥ
dīrghaḥ śaṭho buddhimāṃśca grīṣme jātaḥ sadā'śuciḥ
6.4
guṇavānbhogayuktaśca rājapūnyo jiteṃdriyaḥ
kuśalo'rthānuvādī ca varṣākāle bhavennaraḥ
6.5
vāṇijyakṛṣivṛttiśca dhanadhānyasamṛddhimān
tejasvī bahumānyaśca śarajjāto bhavennaraḥ
6.6
bahuvyādhirhīnatejāstrāsayukta maniṣṭhuraḥ
hrasvapīnagalo bhīrurhemaṃte jāyate naraḥ
Linked texts (1)
- Mānasāgarīpaddhati — Mānasiṃha, Sanskrit