Pramāṇa · Search · About · API

Janmapatripaddhati (Manasagara) 60

Janmapatrīpaddhati (Mānasāgara) 60

Language
Sanskrit

60.1

atha dhanabhāvasthitameṣādirāśiphalam
meṣe dhanasthe kurute manuṣyo dhanaṃsa puṇyairvividhaiḥ prabhūtaiḥ
sunītiyuktaṃ tanayaṃ prasūte catuṣpadāḍhyaṃ bahupaṃḍitajñam

60.2

vṛṣe dhanasthelabhate manuṣyaḥkṛṣiprasādena dhanaṃ sadaiva
anābhighātaṃ ca catuṣpadārakhyaṃ tathā hiraṇyaṃ maṇimauktikādyaṃ

60.3

tṛtīyalagne dhanage manuṣyo dhanaṃ labhetstrījanataśca nityam
raupyaṃ tathā kāṃcanajaṃ prabhūtaṃ hayādhikaṃ sādhugireva sakhyam

60.4

caturtharāśirdhanago manuṣyo dhanaṃlabhedvṛkṣajameva nityam
jalādbhayaṃ yadvanamiṣṭabhojyaṃ nayārjitaṃ prītikaraṃ sutānām

60.5

siṃhe dhanasthe labhate manuṣyo dhanaṃ tapora'ṇyajanāttu mānam
sarvopakāraṃ pravaṇaṃ prasūtaṃ svabikramopārjitameva nityam

60.6

kanyodaye vittagate manuṣyo dhanaṃ labhedūmipateḥsakāśāt
hiraṇyamuktāmaṇiraupyajālaṃ gajāśvanānāvidhavittajaṃ ca

60.7

tule dhanasthe bahupuṇyajātaṃ dhanaṃ manuṣyo labhate prabhūtam
pāṣāṇajaṃ mṛnmayamārtijātaṃ sasyodbhavaṃ karmajameva nityam

60.8

dhane tvaliryasya bhavecca rāśiḥ svadharmaśīlaṃ prakaroti nityam
vilāsinīkāmaparaṃ sadaiva vicitravākyaṃ dvijadevabhaktam

60.9

dhanurdhare vittagate manuṣyo dhanaṃ labhetsthairyavidhānajātam
catuṣpadāḍhyaṃ vividhaṃ yaśasvī rasodbhavaṃ dharmavidhānalubdham

60.10

mṛge dhanasthe labhate manuṣyo dhanaṃ prapaṃcairvividhairupāyaiḥ
sevāsamutthaṃ ca sadā nṛpāṇāṃ kṛṣikriyābhiśca videśasaṃgāt

60.11

ghaṭe dhanasthe labhate manuṣyo dhanaṃ prabhūtaṃ phalapuṣpajātam
janodbhavaṃ sādhujanasya bhojyaṃ mahājanotthaṃ ca paropakārī

60.12

matsye dhanasthe labhate manuṣyo dhanaṃ prabhūtairniyamopavāsaiḥ
vidyāprabhāvātridhisaṃgamācca mātāpitṛbhyāṃ samupājitaṃca

Linked texts (4)