Pramāṇa · Search · About · API

Janmapatripaddhati (Manasagara) 61

Janmapatrīpaddhati (Mānasāgara) 61

Language
Sanskrit

61.1

iti dhanabhavanaphalam
atha tṛtīyabhavanastharā śiphalam
tṛtīyasaṃsthe prathame ca rāśau dvijātimitraśca bhavenmanuṣyaḥ
paropakāraiḥ śravaṇaiḥ śuciśca prabhūtavidyo nṛpapūjitāṃgaḥ

61.2

bṛṣe tṛtīye labhate manuṣyo mitraṃ nareṃdraṃ pracuraṃ pratāpam
suvittadaṃ bhūriyaśonidhānaṃ sūriṃ kaviṃ brāhmaṇaraktacittam

61.3

tṛtīyasaṃsthe mithune ca lagne karoti martyaṃ varayānayuktam
strīvallabhaṃ satyamudāraceṣṭaṃ kulādhikaṃ pūjyatamaṃ nṛpāṇām

61.4

kulīrarāśau sahajaṃ prayāte mitraṃ labhedvaiśyagṛhapradeśe
kṛṣīvalaṃ dharmakathānuraktaṃ sadā suśīla madasaṃmataṃ ca

61.5

siṃhe tṛtīye kurute manuṣyaṃśūraṃ kumitraṃ varavittalubdham
vadhātmakaṃ pāpakathānuraktaṃ pracaṃḍavākyaṃ nahigarvitaṃ ca

61.6

tṛtīyabhāvasthitalagnakanyā śastrānuraktaṃ manujaṃ suśīlam
nānāsuhṛtsaṃstutakalpakopaṃ priyadvijaṃ devaguruprabhaktam

61.7

tṛtīyasaṃsthe tu tulābhidhāne maitrī bhavetpāpaparairmanuṣyaiḥ
laulyātmako laulyakathā'nuraktaḥ sārddhaṃmanuṣyaiḥ svasutālpakaiśca

61.8

alau tṛtīye ca bhavennarasya maitrī sadā pāpajanairdaridraiḥ
kṛtaghnaghātaiḥkalahānuraktairvyapetalakṣyairjanatāviruddhaiḥ

61.9

cāpe tṛtīye labhate manuṣyo maṃtrī suśūro nṛpasevakaśca
vittaiḥ svarairdharmapadaiḥprasannaiḥ kṛpāluraktai raṇakovidaiśca

61.10

nakrastṛtīye ca narasya yasya karoti saumyaṃ satataṃ sutāḍhyam
nityaṃ suhṛddevaguruprasaktaṃ mahādhanaṃ paṃḍitamaprameyam

61.11

kuṃbhe tṛtīye labhate manuṣyo maitrīṃ bratajñairbahukīrtiyuktaiḥ
kṣamādhikaiḥ satyaparaiḥsuśīlairgītapriyairgopaparaiḥ khalaiśca

61.12

tṛtīyabhāvasthitamīnarāśau naraṃ prasūtaṃ bahuvittayuktam
putrānvitaṃ puṇyadhanairupetaṃ priyātithiṃ sarvajanābhirāmam

Linked texts (4)