Janmapatripaddhati (Manasagara) 62

Janmapatrīpaddhati (Mānasāgara) 62

Language: Sanskrit

62.1

atha caturthabhāvaphalam
meṣe sukhasthe labhate sukhaṃ ca catuṣpadebhyo'tha vilāsinībhyām
bhogairvicitraiḥ pracurānnapānaiḥ parākramopārjitamarddanaiśca

62.2

vṛṣe sukhasthe labhate sukhāni naro'timānyairvividhaiśca mānyaiḥ
śauryeṇa bhūpālaniṣevaṇena priyopacārairniyamairvrataiśca

62.3

tṛtīyarāśau sukhage sukhāni labhenmanuṣyaḥpramadākṛtāni
jalāvagāhairvanasevayā ca prabhūtapuṣpāṃbarasevanena

62.4

kulīrarāśau ca yadā sukhasthe naraṃ surūpaṃ subhagaṃ suśī lam
strīsaṃmataṃ sarvaguṇaiḥ sametaṃ vidyāvinītaṃ janavallabhaṃ ca

62.5

siṃhe sukhasthe na sukhaṃ manuṣyaḥ prāpnoti jātu pracuraprakopāt
kanyāprasūtiṃ ca daridrasaṃgānnaro bhavecchīlavivarjitaśca

62.6

kumitrasaṃgī-dhanasaṃśrayācca kanyāgṛhe baṃdhugate manuṣyaḥ
paiśunyasaṃghāllabhate'sukhāni cauryeṇa śuddhena vimohanena

62.7

tulā sukhasthā ca narasya yasya karoti saumyaṃ śubhakarmadakṣam
vidyāvinītaṃ satataṃ sukhāḍhyaṃ prasannacittaṃ vibhavaiḥ sametam

62.8

alaucaturthevipadā sametaṃ naraṃ sutīkṣṇaṃ parabhītacittam
prabhūtasevaṃ gatavīryadarpaṃ paraiḥsudakṣaṃ matiśuddhihīnam

62.9

cāpe sukhasthe labhate manuṣyaḥ sukhaṃ sadā saṃgarasevanena
tatkīrttanenaiva hayairvicitraiḥ sevāsukhaṃ svena nibaṃdhanena

62.10

mṛge sukhasthe sukhabhāgmanuṣyaḥ sadā bhavettoyaniṣevaṇena
udyānavāpītaṭasaṃgamena mitropacāraiḥ suratapradhānaiḥ

62.11

ghaṭe sukhasthe pramadābhidhānātprāpnoti saukhyaṃ vividhaṃ manuṣyaḥ
miṣṭānnapānaiḥ phalaśākapatrairvidagdhavākyaiśca samutsukatvaiḥ

62.12

mīna sukhasthe tu sukhaṃ manuṣyaḥprāpnoti saukhyaṃ jalasaṃśrayeṇa
śanaiścaro devasamudbhavaiśca sthāne suvastraiḥsudhanairvicitraiḥ

Linked texts (4)

Bṛhatparāśarahorāśāstra (ed. Śrīdhara) — Sanskrit
Mānasāgarīpaddhati — Mānasiṃha, Sanskrit
Vṛddhayavaneśvara — Sanskrit
Horāratna — Balabhadra 1629, Sanskrit