Pramāṇa · Search · About · API

Janmapatripaddhati (Manasagara) 64

Janmapatrīpaddhati (Mānasāgara) 64

Language
Sanskrit

64.1

cāpe sutasthe janayenmanuṣyaḥsutānvicitrān hayalabdhadakṣān
dhāmuṣkacaryān hataśatrupakṣān sevāpriyān pārthivamānayuktān
mṛge sutasthe janayenmanuṣyaḥputrān sadā pāpamatīn kurūpān
klīvān kubhāvānvigataprabhāvān suniṣṭhurān premavivarjitāṃśca
kuṃbhe sutasthe sthiratāsametān gaṃbhīraceṣṭānatisatyayuktān
putrān manuṣyo janayetprasiddhān kaṣṭaṃsahān puṇyayaśaḥprabhūtān
mīne sutasthe lalitān suraktān putrān manuṣyo labhate vyavāyāt
rogaiḥsametāṃśca sadā kurupān sahāsyatān strīsahitān sadaiva
meṣe ripusthe prabhavecca vairaṃ sadā narāṇāṃ vṛṣabhe ripusthe
apatyamārge gatamaṃganānāṃ saṃgonitāṃtaṃ nijabaṃdhuvarge

64.2

tṛtīyarāśau ripuge narāṇāṃ vairaṃ bhavetstrījanitaṃ sadaiva
tathā narāṇāṃ nihitaṃ ca pāpairvāṇigjanairnīcajanānuraktaiḥ

64.3

kakeṃ ripusthe sahasā bhayaṃ ca bhavenmanuṣyasya sutāturasya
samaṃ dvijendraiśca narādhipaiśca mahājanenaiva parānurodhāt

64.4

siṃhe ripusthe prabhavecca vairaṃ putraiḥsamaṃ baṃdhujanena nityam
dhanaṃ kṣaṇāttasya vinirjitaṃ ca yadvā manuṣyasya varāṃganābhiḥ

64.5

kanyāsthite śatrugṛhe svavairairasadyutirnirdhanatā narāṇām
duścāriṇībhiścasunimnagābhirvaiśyābhirevāśrayavarjitābhiḥ

64.6

tulādhare śatrugṛhe narasya nidhisthitasya prabhavecca vairam
kāryaṃ sudharmasya narasya sādhoḥ svabaṃdhuvargāccanijālayācca

64.7

kaurpe ripusthe prabhavecca vairaṃ sārddhaṃ dvijivhaiśca sarīsṛpaiśca
vyālairmṛgaiścauragaṇairnarāṇāṃ sarvaiḥsudhanyaiśca vilāsibhiśca

64.8

cāpe ripusthe ca bhavecca vairaṃ śaraiḥsametaiśca sarāgakaiśca
sadā manuṣyaiśca hayaiśca nāgaiḥpuṇyaistathānyaiḥparavaṃcanācca

64.9

mṛge ripusthe ca bhavecca vairaṃ sadā narāṇāṃ dhanasaṃbhavaṃ ca
mitraiḥsamaṃ sādhujane sahāye prabhūtakālaṃ gṛhasaṃbhavaṃ ca

64.10

kuṃbhe ripusthe puruṣasya vairaṃ narādhipenaiva jalāśrayaiśca
vāpītaḍāgādibhireva nityaṃ kṣetrādhipoccaiḥpuruṣaiḥ pravṛddhaiḥ

64.11

mīne ripusthe ca bhavennarāṇāṃ vairaṃ ca nityaṃ sutavastrajātam
strīhetukaṃ svāyasatvaṃ parāṇāmapi priyāṇāṃmitaretaraṃ ca

Linked texts (3)