Pramāṇa · Search · About · API

Janmapatripaddhati (Manasagara) 65

Janmapatrīpaddhati (Mānasāgara) 65

Language
Sanskrit

65.1

atha saptamabhāvastharāśiphalammeṣe'stasaṃsthe ca bhavetkalatraṃ krūraṃ narāṇāṃ ca khalasvabhāvam
pāpānuraktaṃ kaṭhinaṃ nṛśaṃsaṃ vittapriyaṃ sādhyaparaṃ sadaiva

65.2

vṛṣe'stasaṃsthe ca bhavetkalatraṃ surūpakaṃ vākpraṇataṃ praśāṃtam
pativratācāruguṇena yuktaṃ kalādhikaṃ brāhmaṇadevabhaktim

65.3

tṛtīyarāśau ca bhavetkalatre kalatrayuktaṃ sudhanaṃ suvṛttam
rūpānvitaṃ sarvaguṇopapannaṃ vinītaveṣaṃ gaṇavarjitaṃ ca

65.4

karkeṇa yukte ca manoharāṇi saubhāgyayuktāni guṇānvitāni
bhavaṃti saumyāni kalatrakāṇi kalaṃkahīnāni susaṃmatāni

65.5

siṃhe'stasaṃsthe ca bhavetkalatraṃ tīvrasvabhāvaṃ ca khalaṃ ca duṣṭam
vihīnaveṣaṃ parasadmayuktaṃ vasupriyaṃ svalpakṛtaṃ kṛśaṃ ca

65.6

kanye'stasaṃsthe ca bhavetsudārāḥ surūpadehāstanayairvihīnāḥ
saubhāgyabhogārthanayena yuktāḥ priyaṃvadāḥ satyadhanāḥ pragalbhāḥ

65.7

tule'stasaṃsthe guṇagarvitāṃgyo bhavaṃti nāryo vividhaprakārāḥ
puṇyapriyā dharmaparāḥ sudāṃtaprabhūtaputrāḥ pṛthivīvinītāḥ

65.8

kīṭe'stasaṃsthe vikalāsametā bhavacca bhāryā kṛpaṇā narāṇām
suśikṣitā ca praṇayena hīnā durbhāgyadoṣairvividhaiḥ sametā

65.9

cāpe'stasaṃsthe ca bhavetkalatraṃ nṛṇāṃ suduṣṭaṃ vigatasvabhāvam
visrastalajjaṃ paradoṣarakṣaṃ yuddhapriyaṃ daṃbhasamanvitaṃ ca

65.10

makaro yasya ca dyūne bhāryā dambhānvitā'dhamā
nirlajjā lolupā krūrā duḥsvabhāvā ca duḥkhitā

65.11

ghaṭe'stasaṃsthe ca bhavetkalatraṃ nṛṇāṃ suduṣṭaṃ vigatasvabhāvam
devāddvijānāṃ satataṃ prahṛṣṭaṃ dharmadhvajaṃ satyadayāsametam

65.12

mīne'stasaṃsthe ca vikārayuktaṃ bhavetkalatraṃ kumatiṃ kuputram
svadharmaśīlaṃ praṇayena hīnaṃ sadā narāṇāṃ vikalapriyaṃ ca

Linked texts (3)