Janmapatripaddhati (Manasagara) 66
Janmapatrīpaddhati (Mānasāgara) 66
- Language
- Sanskrit
66.2
athāṣṭamabhāvastharāresourcesphalam
meṣe'ṣṭamasthe ca bhavennarāṇāṃ bhavedvideśe tu rujā sthitānām
kathā'smṛteścaiva vimūrcchitānāṃ mahādhanānāmatiduḥkhitānām
vṛṣe'ṣṭamasthe ca bhavennarāṇāṃ mṛtyurgṛhe śleṣmakṛtādvikārāt
mahāśanādvātha catuṣpadādvā rātrau tathā duṣṭajanādisaṅgāt
66.3
tṛtīyarāśau ca bhavennarāṇāṃ mṛtyusthite mṛtyuraniṣṭasaṃgāt
lābhodbhavo vā rasasaṃbhavo vā gudaprakopādathavā pramehāt
66.4
karkai'ṣṭamasthe ca jalaupasargātkīṭāttathā caiva vibhīṣaṇādvā
bhavedvināśaḥparahastato vā videśasaṃsthasya narasya caiva
66.7
siṃhe'ṣṭamasthe ca sarīsṛpācca bhavedvināśaḥ puruṣasya samyak
vyālodbhavo vāpi vanāśritasya caurodbhavo vātha catuṣpadācca
kanyā yadā cāṣṭamagā vilāsātsadā svacittānmanujasya vighāta
strīṇāṃ hi hiṃsādviṣamāśanātsyātstrīṇāṃ kṛte vā svagṛhāśritasya
tulādhare cāṣṭamage ca mṛtyurbhavennarāṇāṃ dvipadottha eva
niśāgame saṃsthyakṛtopavāsāddhiṣṭiṃ ca kopopyathavā pratāpāt
66.8
sthāne'ṣṭamasyāṣṭamarāśisaṃge nṛṇāṃ vināśo rudhirodbhavena
rogeṇa vā kīṭasamudbhavena svasthānasaṃsthasya viṣodbhavo vā
66.9
cāpe'ṣṭamasthe prabhavennarāṇāṃ mṛtyuḥsvasaṃsthe śaratāḍanena
guhyodbhavenāpi gadodbhavena catuṣpadotthena jalodbhavena
66.11
mṛge'ṣṭamasthe ca narasya yasya vidyānvito mānaguṇairupetaḥ
kāmī sa śūro'tha viśālavakṣāḥ śāstrārthavitsarvakalāsu dakṣaḥ
ghaṭe'ṣṭamasthe vibhavapraṇāśo vaiśvānarātsaṅkagatāttu jantoḥ
nānāvraṇairvāyubhavairvikāraiḥśramāttathā gehavihīnamṛtyuḥ
66.12
mīne'ṣṭamasthe prabhavecca mṛtyurnṛṇāmatīsārakṛtaśca kaṣṭāt
pittajvarādvā salilāśrayādvā raktaprakopādathavā ca śastrāt
Linked texts (3)
- Mānasāgarīpaddhati — Mānasiṃha, Sanskrit
- Vṛddhayavaneśvara — Sanskrit
- Horāratna — Balabhadra 1629, Sanskrit