Pramāṇa · Search · About · API

Janmapatripaddhati (Manasagara) 67

Janmapatrīpaddhati (Mānasāgara) 67

Language
Sanskrit

67.1

ityaṣṭamasthānaphalam
atha navamabhāvasthitarāśibhāvaphalam
dharmasthite caiva hi meṣalagne catuṣpadotthaṃ prakaroti dharmam
teṣāṃ pradānena tu poṣaṇena dayāvivekena supālanena

67.2

vṛṣe ca dharmaṃ pragate manuṣyo dharmaṃ karotyeva dhanaprabhūtam
vicitradānairbahugopradānairvibhūṣaṇācchādanabhojanena

67.3

tṛtīyarāśau prakaroti dharme dharmākṛtiṃ saumyakṛtaṃ sadaiva
abhyāgatotthaṃ dvijabhojanādvā dīnānukaṃpāśrayamānasevāḥ

67.4

vratopavāsai rviṣamairvicitrai rdharmaṃ naraḥsaṃkurute sadaiva
dharmāśrite caiva caturtharāśau tīrthāśrayādvā banasevanena

67.5

dharmākhyabhāvāśrita siṃharāśau dharma pareṣāṃ prakaroti martyaḥ
svadharmahīno vikriyābhireva sutīrtharūpaṃ vinayena hīnam

67.6

dharmāśritaḥsyādyadi ṣaṣṭharāśiḥstrīdharmasevāṃ kurute manuṣyaḥ
vihīnabhaktirbahubahujanmataśca pākhaṃḍamāśritya tathānyapakṣam

67.7

tulādhare dharmagate manuṣyo dharmaṃ karotyeva sadā prasiddham
devadvijānāṃ paritoṣaṇaṃ ca janānurāgeṇa tathādbhutānām

67.8

dharmāśrite cāṣṭamage ca rāśau pākhaṃḍadharmaṃ kurute manuṣyaḥ
pīḍākaraṃ caiva tathā janānāṃ bhaktyā vihīnaṃ parapoṣaṇena

67.9

cāpe tathā dharmagate manuṣyaḥkaroti dharmaṃ dvijadevatarpaṇam
svecchānvitaṃ śāstravinirmitaṃ ca prabhūtatoyaṃ prathitaṃ triloke

67.10

dharmāśrite cenmakare manuṣyaḥ prāpnotyadharmaṃ kurute pratāpam
paścādviraktaśca viḍaṃbanābhiḥkaulaṃ samāstya sadaiva pakṣam

67.11

kuṃbhe ca dharme pragate ca dharmaṃ puṃsāṃ vidhatte surasaṃghajātam
vṛkṣāśrayotthaṃ ca tathā śivaṃ ca ārāmavāpīpriyatā sadaiva

67.12

dharmāśrite caiva hi mīnarāśau karoti dharmaṃ vividhaṃ nṛloke
satsevayārāmataḍāgajātaṃ tīrthāṭanenārthasukhairvicitraiḥ

Linked texts (3)