Janmapatripaddhati (Manasagara) 68

Janmapatrīpaddhati (Mānasāgara) 68

atha daśamabhāvasthitarāśikalamkarmāścite meṣasunāmarāśau karotyadharma pravaraṃ suduṣṭam
paiśunyarūpaṃ vinayātiriktaṃ suniṃditaṃ sādhujanasya loke

vṛṣe'mbarasthe prakaroti karma vyayātmakaṃ sādhujanānukampam
dvijendradevātithibhirvibhājakaṃ jñānātmakaṃ prītikaraṃ satāṃ ca

yugme'mbarasthe prakaroti martyaṃ karmapradhānaṃ gurubhiḥpradiṣṭam
kīrtyānvitaṃ prītikaraṃ janānāṃ prabhāsametaṃ kṛṣirjaṃ sadaiva

karke'mbarasthe prakaroti martyaḥkarma prapārāmataḍāgasaṃjñam
vicitravāpītaṭavṛṃdajaṃ ca kṛpāparaṃ nityamakalmaṣaṃ ca

siṃhe'mbarasthe kurute manuṣyo raudraṃ sapāpaṃ vikṛtaṃ ca karma
sapauruṣaṃ prāṇasamaṃ ca nityaṃ badhātmakaṃ niṃdanameva nityam

nabhaḥsthalasthe tvatha ṣaṣṭharāśau karoti karmājñamito manuṣyaḥ
strīrājamānau bhajate viruddhaṃ kāmālapakaṃ nirdhanamaṃtriloke

tulādhare vyomagate manuṣyo vāṇijyakarma pracuraṃ karoti
dharmātmakaṃ cāpi nayena yuktaṃ satāmabhīṣṭaṃ para saṃpadaṃ ca

kīṭeṃbarasthe prakaroti karma puṃsāmaduṣṭaṃ janasaṃmataṃ ca
vyayaṃkaraṃ devagurudvijānāṃ sunirdayaṃ nītivivarjitaṃ ca

cāpaiṃbarasthe ca karoti karma sarvātmakaṃ cāyayutaṃ manuṣyam
paropakārātmakamocanādyaṃ nṛpātmakaṃ bhūmiyaśaḥ sametam

mṛgaiṃbarasthe prakharapratāpaṃ karmapradhānaṃ kurute manuṣyam
sunirdayaṃ baṃdhujanaiḥ sametaṃ dharmeṇa hīnaṃ khalasaṃmataṃ ca

ghaṭeṃbarasthe ca karoti karma pradhānamartya paravaṃcanārtham
pākhaṃḍadharmānvitamiṣṭalobhādviśvāsahīnaṃ janatāviruddham

mīnebarasthe prakaroti karma martya kule dharmagurupadiṣṭam
kīrtyānvitaṃ susthiramādareṇa nānādvijārādhanasaṃsthiraṃ ca

Linked texts (3)