Janmapatripaddhati (Manasagara) 69

Janmapatrīpaddhati (Mānasāgara) 69

atha ekādaśabhāvaphalam
lābhālaye meṣagate ca rāśau catuṣpadotthaṃ prakaroti lābham
tathā narāṇāṃ nṛpasevayā ca deśāṃtarārādhitasuprabhūtam

āyasthite vai vṛṣabhe pralābho bhavenmanuṣyasya viśiṣṭajātaḥ
strībhyaḥ sakāśādatha sajjanebhyaḥ kṛśīlagodharmakṛtestathaiva

tṛtīyarāśiḥkurute'tilābhaṃ lābhāśritaḥstrīdayitaṃ sadaiva
vastvarthamukhyāsanapānajātaṃ sadā pumāṃsaṃ vibudhaprasiddham

lābho bhavellābhagate ca rāśau sadā caturthe varajātakānām
sevākṛṣibhyāṃ janitaprabhūtaḥśāstreṇa vā sādhujanaiśca paścāt

lābhāśrite paṃcamage ca rāśau bhavenmanuṣyasya vigarhaṇācca
nānājanānāṃ vadhabaṃdhanairvā vyāyāmadeśāṃtarasaṃśrayācca

kanyātmake lābhagate manuṣyaḥprāpnoti lābhaṃ vividhaṃ saparyāḥ
śāstrāgamābhyāṃ vinayena sārddhaṃ nityaṃ vivekena tathāśrutena

tulādhare lābhagate manuṣyaḥprāpnoti lābhaṃ vaṇije vicitre
susādhusevāvinayena nityaṃ sukhaṃ stutaṃ mukhyatamaṃ prabhūtam

lābhāśrite cāṣṭamageharāśau prāpnoti lābhaṃ manujo'timukhyam
chalena pāpena subhāṣaṇena parasya paiśunyakṛtairvikāraiḥ

lābhāśrite caiva dhanurdhare ca nṛpairvilāsān bhajate manuṣyaḥ !
satsevayā vā nijapauruṣeṇa mukhyaṃ carārādhanataśca lābham

lābhāśrite vai makare'rthalābho bhavennarāṇāṃ janayānayogāt
videśavāsānnṛpasevanādvā vyayātmakaṃ bhūritaraṃ sadaiva

āyuḥsthite kuṃbhadhare ca lābho bhavenmanuṣyasya kukarmajātam
tyāgena dharmeṇa parākrameṇa vidyāprabhāvātsusamāgamaśca

lābhāśrite cāṃtyagame ca rāśau prāpnoti lābhaṃ vividhaṃ manuṣyaḥ
mitrodbhavaṃ pārthivamānajātaṃ vicitravākyaiḥpraṇayena nityam

Linked texts (3)