Janmapatripaddhati (Manasagara) 70
Janmapatrīpaddhati (Mānasāgara) 70
- Language
- Sanskrit
70.1
itilābhaphalam !
atha vyayabhāvaphalam
meṣe vyayasthe ca bhavennarāṇāṃ vyayaḥsukhācchādanabhojanena
catuṣpadānekavivarddhanena lābhena nānāvidhapauruṣeṇa
70.2
vṛṣe vyayasthe vyaya eva puṃsāṃ bhavedvicitrāṃbarayoṣitāṃ ca
lābhena rājyena parākrameṇa sadhātuvādairvibudhaiḥ sadaiva
70.3
tṛtīyarāśau vyayage narāṇāṃ vyayo bhavetstrīvyasanātmakaiśca
bhūtodbhavo vā satataprabhūtaḥ kuśīlajaḥ pāpajanairgajaiśca
70.4
karka vyayasthe dvijadevatānāṃ vyayo bhavedyajñasamudbhavaiśca
dharmakriyābhirvidadhāti caivaṃ praśaṃsite sādhujanena loke
70.5
siṃhe vyayasthe tu bhavennarāṇāmasaṃśayo bhūritamaḥsadaiva
rūpaiśca jātaiśca kukarmaṇā ca niṃdyaḥsatāṃ pārthivacaurato vā
70.6
kanyātmake cāṃtyagate vyayī ca bhavenmanuṣyaḥ sa hi cāṃganotsukaḥ
vivāhamāṅgalyavicitramukhyaiḥ sūtraprabhābhirbahusādhusaṃgāta
70.7
tule vyayasthe suraviprabaṃdhuḥśrutismṛtibhyaśca kṛto vyayaśca
bhavennarāṇāṃ niyamairyamaiśca sutārthasevājanitaṃ prasiddham
70.8
alau vyayasthe ca bhavedvyayastu puṃsāṃ pradānena viḍaṃbanābhiḥ
kumitrasevājanitaḥsuniṃdyaḥkubuddhitaścaurakṛtādhikārāta
70.9
cāpe vyayasthe paravaṃcaneṣu vyayo bhavetpāpajanaprasaṃgāt
sevākṛto jātyādhikāripuṃsaḥkṛṣiprasaṃgātparavaṃcanādvā
70.10
mṛge vyayasthe ca bhavennarāṇāṃ vyayaistu pāpāśanakaśca jātaḥ
svavargapūjāniratastathālpakṛṣirvihīnaśca vigarhitaśca
70.11
ghaṭe vyayasthe surasiddhavipratapasvino vaṃdibhavo vyayaśca
puṃsāṃ kuputrāśanapānajātastathā vivādena vinirgatena
Linked texts (4)
- Mānasāgarīpaddhati — Mānasiṃha, Sanskrit
- Vṛddhayavaneśvara — Sanskrit
- Jātakasaṅgraha (Lakṣmaṇadāsa and Navanidhirāma) — Lakṣmaṇadāsa and Navanidhirāma, Sanskrit
- Horāratna — Balabhadra 1629, Sanskrit