Janmapatripaddhati (Manasagara) 72

Janmapatrīpaddhati (Mānasāgara) 72

Language: Sanskrit

72.1

iti raviphalam
atha candraphalam
sthiradhano rahitaḥsujanairnaraḥsutayutaḥpramadāvijito bhavet
ajagato dvijarāja itīritaṃ viśrutayādbhutayā svasukīrtibhāk

72.2

sthiragatiṃ sumatiṃ kamanīyatāṃ kuśalatāṃ hi nṛṇāmupabhogatām
vṛṣagato himagurbhṛśamādiśetsukṛtitaḥkṛtitaśca sukhāni ca

72.3

priyakaraḥsurakarmayuto naraḥsuratasaukhyabharo yuvatipriyaḥ
mithunarāśigato himagurbhavetsujanatājanatākṛtagauravaḥ

72.4

śrutakalābalanirmalavṛttayaḥ kusumagaṃdhajalāśayakelayaḥ
kila narāstu kulīragatevidhau vasumatīsumatīpsitalabdhayaḥ

72.5

acalakānanayānamanorathaṃ gṛhakaliṃ vikalodarapīḍanam
dvijapatirmṛgarājagato nṛṇāṃ vitanute tanute yaśahīnatām

72.6

yuvatige śaśini pramadājanaprabalakelivilāsakutūhalaiḥ
vimalaśīlasutājananotsavaḥ suvidhinā vidhinā sahitaḥ pumān

72.7

vṛṣaturaṃgamavikrayavānkraye dvijasurārcanadānamatiḥpumān
śaśini tauligate bahudārabhāgvibhavasaṃbhavasaṃcitavikramaḥ

72.8

śaśadhare hi sarīsṛpage naro nṛpadurodarajātadhanakṣayaḥ
kalirucirvibalaḥ khalamānasaḥ kṛśamanāḥ śamanāpahato bhavet

72.9

bahukalākuśalaḥkila gītavānvimalatākalitaḥsaraloktibhāk
śaśidhare hi dhanurdharage naro dhanakaro na karoti bahuvyayam

72.10

kalitaśītabhayaḥkila gītavittanuruṣā sahito madanāturaḥ
nijakulottamavittakaraḥparaṃ himakare makare puruṣo bhavet

alasatāruhito'nyasutaṃpriyaḥ kuśalatākalito'tivicakṣaṇaḥ
kalaśagāmini śītakare naraḥpraśamito'śamitoruripuvrajāt 1 1
śaśini mīnagate vijiteṃdriyo bahuguṇaḥkuśalo'nilalālasaḥ
vimaladhīḥkila śastrakalādarānna calatācalatākalito naraḥ

Linked texts (4)

Mānasāgarīpaddhati — Mānasiṃha, Sanskrit
Jātakābharaṇa (Ḍhuṇḍhirāja) — Ḍhuṇḍhirāja 1500, Sanskrit
Jyotiṣatattvaprakāśa — Lakṣmīkānta Kanyāla Jyotiṣācārya, Sanskrit
Jātakābharaṇa (Rāmacandra) — Rāmacandra 1722, Sanskrit