Pramāṇa · Search · About · API

Janmapatripaddhati (Manasagara) 74

Janmapatrīpaddhati (Mānasāgara) 74

Language
Sanskrit

74.1

vinayitārahitaṃ sahitaṃ rujā nijajanapratikūlamalaṃ khalam
prakurute manujaṃ kalaśāśrayaḥ kṣitisuto'tisutodbhavaduḥkhitam 11
vyasanatāṃ khalatāmadayālutāṃ vikalatāṃ calatāṃ ca nijālayāt
kṣitisutastiminā susamanvito vimatinā matināśanamādiśet
iti bhaumaphalam
atha budhaphalamkhalamatiḥ kila caṃcalamānaso bahulabhukkalahākulito naraḥ
akaruṇo'pyṛṇavāṃśca budhe bhavedvigate vigatepsitasādhanaḥ

74.2

vitaraṇaprayataṃ guṇinaṃ diśedbahukalākuśalaṃ ratilālasam
dhanimaniṃdusuto vṛṣabhasthitastanujato'nujato'tisukhaṃ naram

74.3

priyavacā racanāsu vicakṣaṇo dvijananītayaḥ śubhaveṣabhāk
mithunage janane śaśinaṃdane sadanato'danato'pi sukhī naraḥ

74.4

kucaritāni ca gītakathādaro nṛparuciḥ paradeśagatirnṛṇām
kila kulīragate śaśibhṛtsute suratatāratatā nitarāṃ bhavet

74.5

anṛtatāsahitaṃ vimatiṃ paraṃ sahajavairakaraṃ kurute naram
yuvatiharṣaparaṃ śaśinaḥ suto harigato'rigatonnatiduḥkhitam

74.6

suvacanānurataścaturo naro likhanakarmaparo hi varonnatiḥ
śaśisute yuvatiṃ ca gate sukhī sunayanānayanāṃcalaceṣṭitaiḥ

74.7

amṛtavāg vyayabhāk khalu śilpavitkucaritāṃmiratirbahujalpakaḥ
vyasanayugmanujaḥsahite budhe vitulayancalayānvasatīyutaḥ

74.8

kṛpaṇatātiratipraṇayaśramo vihitakarmasukhopahatirbhavet
dhavalabhānusute'ligate kṣatitvalasato lasatopi ca vastunaḥ

74.9

vitaraṇapraṇayo bahuvaibhavaḥ kulapatiśca kalākuśalo bhavet
śaśisute'tra śarāsanasaṃsthite vihitayā hitayā ramayānvitaḥ

74.10

ripubhayena yutaḥkumatirnaraḥsmaravihīnataraḥparakarmakṛt
makarage sati śītakarātmaje vyasanataḥsaṃ nataḥpuruṣo bhavet

74.11

gṛhakaliṃ kalaśe śaśinaṃdane vitanute tanutāmanudīnatām
dhanaparākramadharmavihīnatāṃ vimatitāmatitāpitaśatrubhiḥ

74.12

paradhanādikarakṣaṇatatparo dvijasurānucaro hi naro bhavet
śaśisute pṛthuromāsamāśrite suvadanāvadanānuvilokanaḥ

Linked texts (3)