Janmapatripaddhati (Manasagara) 75
Janmapatrīpaddhati (Mānasāgara) 75
- Language
- Sanskrit
75.1
atha guruphalambahutarāṃ kurute samudāratāṃ sucaritāni ca vairisamunnatim
vibhavatāṃ ca marutpatipūjinaḥ kriyagatoyagato'numatipradaḥ
75.2
dvijasurārcanabhaktivibhūtayo draviṇavāhanagauravalabdhayaḥ
suragurau vṛṣabhe bahuvairiṇaścaraṇagāraṇagāḍhaparākramaḥ
75.3
kavitayāsahitaḥpriyavāk śucirvimalagīlarucirnipuṇaḥpumān
mithunage sati devapurohite sahitatā hitatāsahitairbhavet
75.4
bahudhanāgamano madanonnatirvividhaśāstrakalākuśalo naraḥ
priyavacāśca kulīragate gurau caturagaisturagaiḥ karibhiryutaḥ
75.5
acaladurgavanaprabhutorjito dṛḍhatanurdhanu dānaparo bhavet
aśivibhūtiharo hi naro yutaḥsuvacasā vacasāmadhipe gurau
75.6
kusumagaṃdhasadaṃbaraśālitā vimalatā dhanadānamatirbhṛśam
suragurau sutayā sati saṃyute ruciratā ciratāpitaśatrutā
75.7
sutanayo japahomamahotsavo dvijasurārcanadānamatirbhavet
vaṇijajanmapavitraśikhaṃḍije caturatāturatāsahitāriṇā
75.8
dhanavināśanadoṣasamudbhavaiḥ kṛśatanurbahudaṃbhaparo naraḥ
aligate sati devapurohite bhavanato vanatopi ca duḥkhabhāk
75.9
vitaraṇapraṇayo bahuvaibhavaṃ nanu dhanānyapi vāhanasaṃcayaḥ
dhanuṣi devagurau hi matirbhavetsurucirā rucirābharaṇāni ca
75.10
hatamatiḥparakarmakaro naraḥsmaravihīnataro bhayaroṣabhāk
suragurau makare vidadhāti nā janamano na manorathasādhanam
75.11
gadayutaḥkumatirdraviṇojjhitaḥ kṛpaṇatānirataḥ kṛtakilbiṣaḥ
ghaṭagate sati devapurohite kadaśano daśanodarapīḍitaḥ
75.12
nṛpakṛpāptadhano vadanonnatiḥ sadanasādhanadānaparo naraḥ
suragurau timinā sahite satāmanumato'numatotsavado bhavet
Linked texts (3)
- Mānasāgarīpaddhati — Mānasiṃha, Sanskrit
- Jātakābharaṇa (Rāmacandra) — Rāmacandra 1722, Sanskrit
- Jātakābharaṇa (Ḍhuṇḍhirāja) — Ḍhuṇḍhirāja 1500, Sanskrit