Janmapatripaddhati (Manasagara) 76
Janmapatrīpaddhati (Mānasāgara) 76
- Language
- Sanskrit
76.1
atha śukraphalam
bhavanavāhanavṛṃdapurādhipaḥ pracalanapriyatāvihitādaraḥ
yadi ca saṃjanane hi bhavetkaviḥkaviyuto viyuto ripubhirnaraḥ
76.2
bahukalatrasutotsavagauravaṃ kusumagaṃdhiruciḥṛṣinirmitaḥ
vṛṣagate bhṛguje kamalā bhavedaviralā viralā ripumaṃḍalī
76.3
bhṛgusute janane mithune sthite sakalaśāstrakalāmalakośalam
saralatā lalitā kila bhāratī samadhurā madhurānnarucirbhavet
76.4
dvijapateḥsadane bhṛgunaṃdane vimalakarmamatirguṇasaṃyutaḥ
janamalaṃ sakalaṃ kurute vaśaṃ sakalayā kalayāpi girā naraḥ
76.5
harigate suravaira purohite yuvatito dhanamānasukhāni ca
nijajanavyasanānyapi mānavastvahitato hitatoṣamanuvrajet
76.7
bhṛgusute sati kanyakayānvite bahudhanaṃ khalu tīrthamanorathaḥ
kamalayā puruṣo'pivibhūṣitastvamitayā mitayāpi girā'nvitaḥ 6
kusumavastravicitradhanānvito bahugamāgamano nanu mānavaḥ
jananakālatulākalanaṃ yadā sukavinā kavināyakartā brajet
76.8
kalahaghātamatiṃ jananiṃdyatāṃ prajanatāmayatāṃ niyatāṃ nṛṇām
vyasanatāṃ janane'lisamāśritaḥ kaviralaṃ viralaṃ kurute dhanam
76.9
yuvatisūnudhanāgamanotsavaṃ sacivatāṃ niyataṃ śubhaśīlatām
dhanuṣi kārmukagaḥkavinaṃdanaḥ kaviratiṃ viratiṃ kurute nṛṇām
76.10
abhiratistu jarāṃganayā nṛṇāṃ vyayabhayātkṛśatāmaticiṃtayā
bhṛgusute mṛgarāśigate sadā kavijanevijane'pimatirbhavet
76.11
uśanasaḥkalaśe janiṣi sthitau vasanabhūṣaṇabhogavihīnatā
vimalakarmamahālasatā narairupagatāpagatā'piramā bhavet
76.12
bhṛgusute sati mīnasamanvite narapaterviśrutā vitatā bhavet
ripusamākramaṇadraviṇāgamo vitararo taraṇe praṇayo nṛṇām
Linked texts (3)
- Mānasāgarīpaddhati — Mānasiṃha, Sanskrit
- Jātakābharaṇa (Ḍhuṇḍhirāja) — Ḍhuṇḍhirāja 1500, Sanskrit
- Jātakābharaṇa (Rāmacandra) — Rāmacandra 1722, Sanskrit