Pramāṇa · Search · About · API

Janmapatripaddhati (Manasagara) 77

Janmapatrīpaddhati (Mānasāgara) 77

Language
Sanskrit

77.1

atha śaniphalam—
dhanavihīnatayā tanutā tanau janavirodhitayepsitanāśanam
kriyagate'rkasute sujanairnṛṇāṃ viṣamatā samatāśamanaṃ bhavet

77.2

yuvatisaukhyavināśanatā bhṛśaṃ piśunasaṅgaruciṃ mativicyutim
tanubhṛtāṃ janane vṛṣabhasthito ravisuto visutotsavamādiśet

77.3

prabalatāvimalatvavihīnatā bhavanabāhyavilāsakutūhalāt
vrajati no mithunopagate sute dinavibhorna vibhorlabhatesukham

77.4

śaśiniketanagāmini bhānuje tanubhṛtāṃ kṛśatāṃ bhṛśamaṃbayā
varavilāsakarā kamalā bhavedāviralaṃ viralaṃ ripumaṃḍanam

77.5

lipikalākuśalaśca kalipriyo vimalaśīlavihīnataro naraḥ
ravisute raviveśmani saṃsthite hatanayastanayaḥpramadārttibhāk

77.6

vihitakarmaṇi śarma kadāpi no vinayatopahatiścalasauhṛdaḥ
ravisute sati kanyakayānvite vibalatābalatāsahito bhavet

77.7

nijakule'vanipālabalānvitaḥ smarabalākulito bahudānadaḥ
jalajinīśasute tulayānvite nṛpakṛtopakṛto hi naro bhavet

77.9

viṣahutāśanaśastrabhayānvito dhanavināśanavairigadārditaḥ
vikalatākalito'lisamanvito ravisuto visuto'pyasukho naraḥ
ravisutena yute sati kārmuke sutagaṇaiḥparipūrṇamanorathaḥ
prathitakīrtisuvṛttiparo naro vibhavato bhavatopayutobhavet

77.10

narapatau ratigauravatāṃ brajedravisute mṛgarāśigate naraḥ
agaruṇā kusumairmṛgajātayā vimalayā malayācalajaiḥ sukham

77.11

nanu jito ripubhirvyasanāvṛtairvihitakarmaparāṅmukhataḥnvitaḥ
rabisute kalaśena samanvite susahitaḥ sahitapracayairnaraḥ

77.12

vinayatā vyavahārasuśīlatā sakalalokagṛhītaguṇo naraḥ
upakṛtau nipuṇamtimisaṃśrite ravibhave vibhavena samanvitaḥ

Linked texts (3)